رتبها

بوست لسيد الناس المواطن دلوعة الكوكب :
🔹 الحمد لله والشكر لله اطمنا علي الفنانة اللي كنت سايب بيتك وعيالك ومستقبلك و بتدور عليها .. وهي بتحور عليك
والدولة عملتلها حفلة زي الفل عشان تطمنك انها بتحمي ولادها
#تركي_ال_الشيخ

🔹شوال الصورم لم صورمه و رجع بلده بقرار سيادي عشان العك الرياضي و فكرته انه هيشتري الكورة المصرية " الله الوكيل خسارة فيها الفلوس "😒
🔹سميح ساويرس مطلعش بيصفي املاكه .. وطلع المواطن اللي بيشير الخبر هو مواطن جاهل وقليل الادب " حسب وصف سميح نفسه " وقال ان عنده 7 مشروعات عملاقة في

مصر لسه مخلصتش زي Z مثلا
🔹صورة الشجر الصناعي مطلعتش في اكتوبر .. وطلعت في مدينة حائل السعودية .. والسعوديين نفسهم استنكروا شر المصريين علي بلدهم
🔹صور السيول مطلعتش في اسوان و اهالينا في اسوان قربوا يبقوا كوكيز من كتر الحر .. وطلعت في الامارات ربنا يسترها علي اخواتنا

الاماراتيين و يرفع عنهم
🔹ال 20 جنيه بتاعت الممشي السفلي لممشي أهل مصر طلعت بتتخصم من فاتورة أكلك و شربك في اي مطعم او كافيه من اللي فاتحين في الممشي بداية من 9 سبتمبر و ده لحين تحصيل جزء من قيمة صيانة التلفيات اللي حصلت والعلوي مجاناااا
🔹كرتونة البيض شعبة التجارة سيطرت علي

السعر ورجعتها ل 65 جنيه و بورصة الفراخ قالت الكيلو بدءا من 30 يوليو هو 26 جنيه للكيلو و اي زيادة في اي مكان المواطن يتصل بحماية المستهلك ... يعني باصتلك الكورة تشوط او متشوطش براحتك
🔹دعما للمواطن الدولة قررت مد معارض ومبادرات كلنا واحد لنهاية السنة بخصم من 30% الي 50% علي السلع

الغذائية
🔹دعما للمواطن الدولة قررت تأجيل رفع الدعم عن الكهرباء و هتتحمل 10 مليار جنيه بدلا من المواطن للموازنة الجاية
🔹استمرارا لرؤية مصر 2030 والتوسع السكاني مدينة اسنا الجديدة اخدت الامر ببدء الانشاء يعني لقمة عيش وشغل للمواطن اللي ممكن يوافق يبعد عن امه ويشتغل برا محافظته

لو حابب
🔹بسبب الاوضاع الاقتصادية الدولة ضمت 450 الف اسرة جديدة لتكافل وكرامة يعني بقا في 20 مليون مواطن بتاخد تكافل وكرامة
🔹عشان المواطن الغلبان الدولة قررت تصرف دعم مالي لمدة 6 شهور ل 9 مليون اسرة مصرية ممن راتبهم اقل من 2700 جنيه او معاش اقل من 2500 جنيه
🔹عشان الاوضاع

الاقتصادية للكوكب كله قررت الدولة زيادة عدد كرتونة السلع الغذائية المدعمة الي 2.5 مليون كرتونة بدل من 1.7 مليون كرتونة بقيمة 50% من سعر تكلفتها وموجودة في منافذ القوات المسلحة " الجيش بيبيع كراتين للغلابة يا مننننني 😭😭"
🔹عشان القطارات الجديدة مش معمولة للطبقة البرجوازية اللي

واكلين البلد " ايوووه اللي زي طبعا 🤷🏻‍♀️" .. وزراة النقل فتحت باب عمل الاشتراك السنوي المخفض ..... يعني هتروح اخر الدنيا في ساعة الا ربع وقطار مكيف و واي فاي و مش بال 25 جنيه التذكرة
🔹المصايف كلها اتفتحت بدون اجراءات احترازية اهووو عشان متبقاش الدولة عايزة تخنقك يا مواطن ...

و كل برغوت علي قد دمه .... انا عارفة انك ماسك علي الدولة سيديهات ولازم وحتماا ولااابد تصيف في هاسيندا بس معلش تعالي علي نفسك ده زي امك بردو جرب مطروح او راس البر 🙄🙄
🔹السلع الغذائية كلها موجودة ومتوفرة ... صحيح الاسعار زايدة حبتين بس عندك منافذ بالهببببل مخفضة🤷🏻‍♀️

🔹الدولة اخدت قرار بتقليل تصدير البطاطس 22% .. عشان سعرها ميرفعش و تعرفوا تعملوا شيبسي .... ولا منقرمشي .... ده كله إلا القرمشة 😏
🔹دعم رغيف العيش مستمر والدولة مش هتبصله قبل 2024
🔹الدولة عاملة حاجة عظيمة اسمها مبادرة مصر الرقمية .. من خلالها تقدر تقدم علي ماجستير مهني مجااانا

في اكتر من جامعة تختار منها مع تدريب معتمد ... وانا جيت اقدم فيها بس طلعت للجامعات المصرية الاهلية فقط .
هاااااا يا سيد الناس
اؤمر في حاجة تانية هنلعن و نسب ونطلع تلاتين ام البلد عليها 🤔🤔🤔
اجي اطقطقلك عضلة السمانة 😏😏

♦بس لو مفيهاش اساءة أدب من الدولة يعني
ممكن تغيروا عاداتكم الشرائية والغذائية عشان توفروا علي نفسكم هوالك أكل و شرب وتستفادوا بفلوس بتترمي في الزبالة
#اهرشيلي_ضهري_يا_حكومة
#ايون_انا_بطبل_للدولة بدل ما انت بتندب all the time قوم اتحزم وارقص يمكن تخسس كرشك
✍جيلان قاسم

@rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد