التهجّم العنصري على النازحين السوريين ان كان معنوياً او جسدياً، هوي رح بيكون ذريعة اضافية للمجتمع الدولي لعدم تنظيم عودتهم لسوريا. غير انو اخلاقياً وانسانياً غير مبرر. المشكل الاساس بدولة لبنانية جبانة ما بتاخد قرار الا بموافقة غربية. همّ الأوروبيين والاميركيين الاساسي هو عدم
ارجاع اللاجئين لسوريا بحجة "التطبيع"، والأهم يمنعوا اللاجئين من الوصول لاراضيهم مع انو مثلاً الدنمارك، رفضت تجديد اقامات سوريين سوريين لأنو اعتبرت انو سوريا امنة (بس ما تنفذ الترحيل) اليونان وقبرص، اللي متضررين من اللاجئين عندهم، رجعو فتحوا سفاراتهم بسوريا لينظمو هاي الأمور
والدولة عنا هون بكل الاعباء الموجودة، وجود لاجئين بفيدها لان في تمويل كبير عم يوصل ومش صحيح انو اللاجئ بيقبض بالدولار، رياض سلامة عمل rate لوكالات الامم المتحدة وفعلياً عم يسرق منهم للمصرف بالدولار وبيدفعلن باللبناني. عودة اللاجئين هي قضية سياسية بامتياز، وتتطلب تنسيق مع الحكومة
السورية، بس دولتك الجبانة بتخاف من ممول اوروبي واميركي واعلامهم البديل اللي رح يطلع يصير يصرخ انو هيدا "تطبيع" مع النظام وبصير يستغل مآسي ناس سوريين ت يخبرنا انو رح يختفوا قسريا اذا راحو على سوريا. فاذا بدك تهاجم حدا، هاجم الحدا الصح. مش الضعيف اللي فوق تهجيره بدك تعتدي عليه كمان
والاماراتي والاردني والمصري والبحريني والعماني والجزائري وقريباً السعودي كلو عم يحكي بالعودة الى سوريا وعلى اعادة سوريا للجامعة العربية وحتى الاوروبيين؛ هاي صورة من عشا نظمه السفير السوري بلبنان لسفير بلجيكا بحضور الطلياني والروماني والنمسا وسويسرا. ونحن ناطرين فرنسا واميركا🙃
جاري تحميل الاقتراحات...