اهلا زي ماوعدتكم اليوم بإذن الله بتكلم عن مباهجي لشهر جولاي اول شئ حابه اتكلم عنه اني توفقت فيه هو مكنسة كهربائية لاسلكية وش الاسباب اللي خلتني احطه بالمفضلات اولا :قوة الشفط ممتازة في فيديو بالتغريدة الجاية اوريكم مثال شفط تناتيف الشئ الثاني اللي عجبني
حجمها خفيف وماتطول تشحن وتجلس فتره كويسه يجي معها اكثر من راس و فلتر تناسب كنس السياره والاماكن الدقيق والدولايب حتى احيانا اخليها لعبة لولدي يكنس اللي بعده 😂 فاستخدامتها كثير ،الدولايب دايم اتعب بالزوايا اللي بعيدة والفوطة ماتفيد فهذا مره ناسبني رابطه s.click.aliexpress.com
وتوفقت الحمد الله وصلتني اتوقع خلال ١٢ يوم من تاريخ الطلب اقول لكم علي اكسبرس الشحن العادي تغير عن اول مرره سعرها يبدا تقريبا من ٥٠-٨٠ حسب كم راس تبون وايش الملحقات اللي معها انا اخذت اللي يجي معها كل الروس والشنطه والفلاتر
الشئ الثاني اللي اعتبره من مباهجي لهذا الشهر السوردو وكيف اني حبيت عالم العجن والخبز منه اكثر ،صرت اخبز بشكل مستمر بسببها واجرب وصفات كل فتره واتعلم اشكل العجين وارسم عليه شريت موس وصرت اتعلم رسمات ومازالت في البداية عالم الخبز ممتع وناسبني مرره
من مباهجي للشهر هو برنامج على الاذاعة كل صباح يوافق خروجي للدوام برنامج بك اصبحنا على اذاعه القران اتوقع البرنامج الكل يعرفه ومو جديد على الاغلب لكن وجدت فيه فائدة وطلعت بمعلومات وصرت اقضي وقتي للدوام بالسياره وانا مستمتعه جدا بالاجر والعلم اللي اطلع منه البرنامج يبدا ٦ ونص الى ٨
ايضا من المباهج شريت مكرونة رنا المحشية وسريعه التحضير صارت غدائي في ايام الازمات بس اسلقها واحط عليها كريمة خفق او صوص طماطم ومع بيستو واعشاب ايطالية وشوي ملح ولها حشوات كثير
اخير وافق شهر جولاي اجازة واستغليتها باني اشتري عدة منظمات وبرضو ارتب البيت واسوي عزل واشوف ايش محتاجه اشتري ملابس وايش اللي ماصرت استخدمته وايش اللي اعيد تدويره والحمد الله على رغم انها قصيرة الا اني توفقت فيها وهذه واحدة من الثريدات اللي سويتها بالاجازه فيما يخص الترتيب
جاري تحميل الاقتراحات...