رتبها

أفضل لاعب في مصر مرتين... افضل مدافع ف إفريقيا مرتين...
ك "مدافع " ممتاز "ليبرو" ممتاز " ارتكاز " ممتاز... ولكن السؤال ليه إبراهيم كان سابق عصره في الوقت ده؟ وليه يصنف من أفضل المدافعين ف تاريخ مصر؟
ثريد | إبراهيم سعيد
@IbrahimsaidAdam

في بداية الالفية المدافعين كان مطلوب منهم استخلاص تشتيت الكورة والتحامات وضرب وده كان النوع السائد في الوقت ده...
مكانش مطلوب أوي منه أنه غير يبقي بيدافع كويس وييلعب مان تو مان كويس ويا سلام لو كان طويل.

ف ماذا لو إبراهيم سعيد بيلعب في الوقت الحالي؟ اولآ مكانش هيلعب في إفريقيا كان هيبقي في التوب ليج لا وافضل الأندية في العالم بكل اريحيية
بس نحط الكلام بين قوسين لو كان فعلاً عايز يبقي كده... بس هو كان مشاغب ومش مقدر حجم موهبته كفاية

ك مهام دفاعية إبراهيم كان صعب أنه يترقص وده نابع لكونه رشيق خفيف الحركة وذكي وواثق من نفسه ف كان صعب يترقص وده شيئ عادي.
ولكن المش عادي ماذا يفعل بعد ما يستخلص... مراوغات يمشي بالكورة يلعب كورة طولية المهم فيه استفاده فنية ناتجه عن ده..
بص علي الذكاء في الاستحلاص

كان بمثابة صانع لعب في الخلف وكان بيرسل كرات طولية بدقة مرعبة وكان بيعمل اسيستات اكانه لاعب الكرة ب ايده
ف مستحيل تكون دي جودة لاعب مدافع في بداية الألفية

كلنا مبهورين بتكلينجات حمدي فتحي وازاي هو ف فدائي كده.
إبراهيم سعيد لا يقل جودة في التكليناجات اللي بيعملها كان حرفيّا كاسحة الغام

شوف قدرته علي حمل الكرة لمسافات تقديمة ويقدر ياخد الكورة بما يسمي حاليا ال. prograssive ball carrier ومش عايز اقولك إن فيه ناس حاليا اجنحة متقدرش تعمل اللي كان بيعمله إبراهيم
كان بياخد الكورة من المرمي ترقيص ودي مش مبالغة أقسم بالله

عمرك شوفت مدافع ممتع؟ عمرك شوفت جمهور عايز الكل يباصي لمدافع؟ عمرك شوفت مدافع بيعمل دريبلات بحركات مختلفة؟ مش ممكن ياخوانا والله

عمرك شوفت مدافع بيقدر يكسر ضغط المنافس بتمريرة ممكن يحطك انت والمرمي؟ ايوة زي ما بقولك مدافع بيلعب ثرو بحنية ودقة رهيبة بالشكل ده.
ودي بيسموها ال prograssive pass تمريرة تقدمية تقدر تتخطي بيها عدد من لاعب المنافس ف اي تلت من الملعب

اما في مسألة التسديد من برة ف مش هلاقي كلام يوصف تسديد إبرهيم... لأنه فعلا مدفعجي وكان بيجمع بين القوة والدقة والتوجية كان بيكلم الكورة المجرم

طب بص دي 😀

لأ وهيدر هداف ولا اجدع مهاجم كمان

إبراهيم سعيد كان وصل لشمولية كرة القدم وبموهبة ربانية مكانش محتاج أنه يتعلم حاجه جديدة لأنه كان عنده كل حاجة.
كان محتاج بس يحافظ علي اللي عنده ويخلي باله من نفسه وصحته وميسهرش كثير.

موهبة ربانية ممتعة الجيل الحالي اتحرم منها ومتعتها.... انصحكم بمشاهدة إبراهيم سعيد من حين ل اخر... اذا اردتم المتعة ❤

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد