بيئة العرب الأوائل -الجاهليين- بيئة غير عادية، ووصفهم بالجاهليين انما هو وصف ديني، أي أنه عصر الجهل بالتوحيد.
ولو كان مجتمع عادي، بدائي، ما صار التحدي الإلهي لهم في شيء ذكي جدًا ومعقد وملتبس وذوقي وفني مثل: اللغة.
فالمعجزة كانت قرآن يُتلى، وليس جبال تطير أو شموس تتساقط.

واعلم -أكرمك الله- ان المجتمع الي يقول فيه أحدهم "سما لك شوق بعد أن كان أقصرا" هو مجتمع متعدي في الذوق والذكاء والمهارة والإحساس مجتمع الناس الراهن وغيره من المجتمعات. لأن هذي البراعة ما جت صدفة أو ضربة حظ، هذا كلام بارع وليد مجتمع يتبنى البراعة ويتذوقها

وإذا كنت تشوف هذا مجرد كلام شعر عادي، فأنت مثل الي بيجي بعد ٣ قرون وقد تغيرت لعبة كرة القدم وصاروا يستخدمون الذكاء الاصطناعي والكورة تتحرك عبر شبكة 13G ثم يشوف هدف ميسي الفاول على ليفربول ويقول:
بايخ

مب بايخ بس أنت ما تعرف. أنت كورتك تغيرت وصارت حياتك كلها ذكاء اصطناعي وش نسوي لك. ماتدري وشو ميسي ولا وشلون سدد هالفاول ولا تدري ان عشان يجي هالفاول بهذا التكنيك والاتقان كان لازم تتطور الكورة سنوات ويتنافس ميسي ورونالدو على الفاولات وتحتدم المنافسة ويرتفع الاداء: فيجي هالقول