انا دخلت كيرة والجن امبارح، الفيلم عنده مشكلة في جزئين، جزء السيناريو وده واضح بشكل كبير، انا حسيت انه scenes مش فيلم متصل تماما، يمكن بسبب خلط الfeature بالdocumentary مكانش سلس بالشكل الكافي.. مش عارفة فين المشكلة بالظبط، بس محسيتش انه فيلم متصل بنفس الشخصيات-
والأحداث، ومش عارفة ده ليه، يمكن بدأت احس بإنه فيلم متصل في الآخر اكتر.. المشكلة التانية في الفيلم، اني مصدقتش مع انهم اشخاص حقيقية وقصص حقيقية.. كان فيه مبالغة في الأكشن وانا فاهمة ان ده لصالح ايرادات الفيلم والقصة كمان هي كانت كدة، احنا بنتكلم في مقاومة وحرب واستعمار-
بس مش طبيعي ان احمد عز في المشهد الأخير يتقطع بالسكاكين والحديد، وفي المشهد اللي بعده مع كريم عبد العزيز تبقى البدلة اكنها جديدة مع طبعا ان احنا حافظنا على القطع اللي ورا في الچاكيت.. مش طبيعي، وفي كذا حاجة مصدقتهاش، بس كنت بعديها من كتر ما الاحداث كانت حلوة وموجعة جدا-
الاحداث دي حقيقية والناس دي حقيقية، الحكايات مش زي ما هي بالظبط ده اكيد لانه فيلم روائي في الاخر، بس انا قعدت ما لا يقل عن ٢٠ دقيقة في الاخر بعيط، مش من صدق الفيلم، بس من اني قاعدة ٢٠ دقيقة في الاخر بقول لنفسي، ان دول ناس حقيقيين، فيه ناس ماتت عشان البلد دي كتير-
وانك تكون قاعد بتشوف ابطالك اللي انت فعلا حاببهم بصدق تام، بيموتوا قدامك وهم قد ايه وطنيين، وقد ايه تعبوا عشان البلد دي دي واحدة من اصعب الحاجات اللي في الفيلم. لدرجة اني دمعت تاني وانا بكتب عنهم دلوقتي. -
التصوير عبقري، احمد المرسي يستحق يوصل للعالمية بفيلم زي ده، الصناعة كصناعة سينما في مصر بتتطور كل فيلم بيعمله مروان حامد فعلا، صدقت كل صورة، وعمري ما شوفت حادثة دنشواي في فيلم للأسف، معرفش لجهلي ولا لأنها متعملتش قبل كدة في الافلام بس لو حتى اتعملت مكانتش هتتعمل ولا اروع-
مع ان كان ينقصها بعض المشاعر اللي كانت هتبقى احسن لو اتغزلت في نصها بدل الاكشن بس اللي فيها،هنيجي للتمثيل وضيوف الشرف كل فرد على حدى، بس نظرات سلوى محمد علي بس كفيلة تقولك ايه اللي كان حاصل وبيحصل في الفيلم وقتها.. رشدي الشامي كمان عبقري واكيد عارفة عبد الرسول، احنا عندنا اساتذة-
في فن التمثيل بحق وحقيقي، اساتذة كما سناء جميل ومحمود مرسي كدة. بس نرجع للصورة تاني والاضاءة واحمد المرسي، بجد نفسي اشوفه بيصور فيلم عالمي من اللي بخشروميت مليون دولار دول وانا متأكدة ان ده لو حصل، هو هيبقى واحد من الDOPs العالميين التقال اللي بينوروا افلام كبيرة زي -
Lord of the rings و Titanic كدة.. نيجي للمونتاج، انا مش عارفة، هل المونتاج اللي فيه مشكلة ولا دي مشكلة سيناريو بصراحة.. فمش هقدر اتكلم.
بالنسبة للسيناريو كمان، انا مش شايفة ان احنا مفروض نحمّل احمد مراد المسئولية تماما لأنه ليه سيناريوهات حلوة زي الفيل الازرق، هو يمكن-
بالنسبة للسيناريو كمان، انا مش شايفة ان احنا مفروض نحمّل احمد مراد المسئولية تماما لأنه ليه سيناريوهات حلوة زي الفيل الازرق، هو يمكن-
طابع الفيلم والاحداث والتاريخ ودمج الجزء الروائي بالوثائقي.. بس هو فيه مشكلة من ناحية السيناريو ده اكيد.
من ناحية الاخراج، مروان حامد ميتقالش عليه حاجة بصراحة، المخرج الوحيد اللي افلامه ممكن تتصنف افلام فعلا وسط العك اللي بيحصل في مصر بقاله كذا سنة-
من ناحية الاخراج، مروان حامد ميتقالش عليه حاجة بصراحة، المخرج الوحيد اللي افلامه ممكن تتصنف افلام فعلا وسط العك اللي بيحصل في مصر بقاله كذا سنة-
ويكفي ان فيلمي المفضل هو عمارة يعقوبيان من افلام العالم كله. انا فعلا بحب مروان حامد، وبحب شغله، واجتهاده، وافلامه، والفيلم عبقري اخراجا تصويرا تمثيلا. نيجي بقى لجزئية التمثيل- هكملها بعدين
@rattibha رتبها بليز
جاري تحميل الاقتراحات...