بما اني طالب خريج من #الجامعة_السعودية_الالكترونية قررت اسوي هالثريد عشان اقول تجربتي وان شاء الله تفيد الطلاب والطالبات الي بيدخلوا الجامعة
1- نظام الجامعة وتخصصاتها وطريقة التدريس، الجامعة حكوميه برسوم للدراسه ونظام الجامعة تعليم مدمج بمعنى ان تداوم حضوري يوم بالجامعه ويوم عن بعد، والدوام عن نفسي دوامي مسائي من 3 إلى 9 المساء غالبا او 4 إلى 10 اما القسم النسائي اتوقع في دوام صباحي
2-التخصصات
في الجامعة اكثر من تخصص، منها إدارة الأعمال والمحاسبه والمالية و IT ومعلوماتيه صحيه ولغة انقليزيه وقانون واعلام وغيرها من التخصصات، جميع التخصصات تدرس باللغة الإنجليزية ماعدا القانون والاعلام، وجميع التخصصات تجبر انك تختبر اختبار ستيب من قياس بعد السنة التحضيرية للتخصص
في الجامعة اكثر من تخصص، منها إدارة الأعمال والمحاسبه والمالية و IT ومعلوماتيه صحيه ولغة انقليزيه وقانون واعلام وغيرها من التخصصات، جميع التخصصات تدرس باللغة الإنجليزية ماعدا القانون والاعلام، وجميع التخصصات تجبر انك تختبر اختبار ستيب من قياس بعد السنة التحضيرية للتخصص
3-رسوم الدارسة هو 265 ريال للساعة الدراسيه بمعنى في ترم التخصص لو مشيت على الخطة الدراسيه بتكون 18 ساعة يعني 265×18=4770 ريال للترم الواحد والدراسة تقريبا تكلف 34450 لتخصص إدارة الأعمال وباقي التخصصات بما انه 130 ساعة دراسية
4-دوامك يومين بالأسبوع مايعني ان الجامعة سهله ابدا، لان المناهج اجنبيه ومو سهله، لازم تحتاج مذاكره واهتمام عشان تعدي بمعدل كويس، وفي حاليا موقعين راح يساعدون اي طالب وطالبه انهم يفهموا المنهج خصوصا ببداية دراستك لو مافهمت اشياء مثل باسط اكاديمي وموسى اكاديمي ولكن برسوم ماليه
5-لكن اطمنكم ان الدارسة حاليا تعتبر أسهل نوعا ما بوجهة نظري لان من الترم الماضي صار المدات من 20 درجة والفاينل 40 درجه واختبار المد 5 درجات مقالي و 15 اختياري والفاينل 30 اختياري وسؤالين 10 درجات مقالي و 40 درجه أعمال السنه والنجاح يحتاج 60 من 100
6-من الأشياء الجميله بالجامعه هو طلابها وطالباتها بحيث ان في قروبات واتساب وتليقرام خاصه للمذاكره قبل فترة الاختبارات ودائما تفيد بأنك تذاكر مع الناس
نصيحة لكل طالب انه يركز على لغته الانقليزيه ويحسنها، مع الاخذ بالاعتبار ان في مادة ماث في السنة التحضيريه وغالبا هي تكون العقبه سابقا لطلاب كثير فلازم انك تذاكر اول بأول ولو مافهمت تشترك مع اي منصه فيها شرح للماده وتجهز نفسك إلى اختبار الانقليزي نهاية السنه التابع لقياس وهو ستيب
نصيحه أخرى وهو اذا تحس نفسك ماتحب الرياضيات لاتختار تخصص مثل إدارة الأعمال او المحاسبه والماليه لان إدارة الأعمال الخطه الدراسيه مجبر تدرس مواد مثل الإحصاء والمحاسبه والماليه وغيرها الي فيها حسابات ولكن اتوقع الحال الان أفضل بسبب تقسيم الدرجات وخصوصا لو ذاكرت راح تنجح بمعدل حلو
في حال انك ماتبغى مناهج باللغة الانقليزيه التخصصين الوحيدين الي لغة مناهجها عربيه هو القانون والاعلام
اتمنى اني افتدتكم ولو بشكل بسيط واتمنى للجميع التوفيق والنجاح وفي حال وجود أي استفسار انا موجود في الخدمه ودعواتكم لي بالتوفيق❤️
جاري تحميل الاقتراحات...