زعلانين من درجة التحصيلي ؟
رغم انك ذاكرتي وتعبتي وسعيتي واجتهدتي ولكن درجتك كسرت احلامك ..
انتي سويتي الي عليك صح ؟ حطيتي جهدك وقدرتك في المذاكره طيب الحين وش الحل ؟

الحين وكّلي امرك لله وخليك واثقة فيه
والله يابنات لو الله كاتب لك نصيب في الجامعة وفي تخصصك الي تحبيه مافي شي بيمنعه عنك ابدًا ! وبيسخرلك الدنيا كلها حتى الجامعة بكبرها ، وهالشي والله اني شفته بعيني في حياة الي حولي
وكيف الله وفقهم وسخر لهم كل الاسباب والطرق الي توصلهم لاحلامهم

والله بنات كانو يدرسو معاي كانت نسبهم متوسطه ولكن بفضل الله توفقوا ودخلوا احسن وافضل التخصصات ماشاء الله
ابد لا تزعلي خصوصًا اذا سعيتي وتوكلتي على الله
﴿وَمَن يَتَوَكَّل عَلَى اللَّهِ فَهُوَ حَسبُهُ إِنَّ اللَّهَ بالِغُ أَمرِهِ قَد جَعَلَ اللَّهُ لِكُلِّ شَيءٍ قَدرًا﴾

الرزق والنصيب مايعتمد بس على الدرجات
ترا الدرجات والنسب مجرد سبب فقط !
صحيح مهمة ، لكن مستحيل تمنع عنك رحمة ورزق الله كاتبهم لك ابدًا
انبسطي وريحي قلبك ترا الدعاء يغير القدر ومن يتوكل على الله فهو حسبه
خليك واثقة ان الله مجهز لك طريق سهل من حيث لا تحتسبي يوصلك لأحلامك 🤎