بعد تجربة صعبة خضتها حسيت اني ضيعت نفسي وكأني مثل الشخص اللي كان بغيبوبة وتوه صحى منها، قعدت مع جدتي وذكرتني بطفولتي وكيف كنت طفل محبوب وكان يحظى بالدعم والتشجييع وقالت لي جملة لو أمو/ت ماراح أنساها لأنها هزتني بعمق، الجملة هذه ذكرتني بحقيقتي و عن مين أنا

قالت لي: "أرجعي شهد القوية القديمة، شهد اللي كانت أيام الثانوي ماتخاف من أحد وتاخذ حقها وحق غيرها، أرجعي شهد اللي كان يضرب فيها المثل والكل يحترمها ويحبها" حسيت ياااه! كل هذا ضياع لنفسي؟ ضياع لهويتي؟ ضياع لحقيقتي! وقتها تذكرت مين أنا، وقتها ادركت ليش انا عشت صراعات نفسية.

عرفت ليش خضت درس تمثل بأشخاص تخدعني وتتلاعب فيني عقليًا ونفسيًا وتغذيني بالوهم والأكاذيب، وقتها ادركت ان القوي يتعرض لإختبارات صعبة علشان يتأكد من قوته وعلشان مايسمح لشخص او حدث يتحكم فيه أو يسيطر عليه وان القوي يتعرض للعداوة بقوة! وقتها فهمت وادركت اشياء كثيرة.

ماكنت اعرف حجمي وقيمتي صراحة، كنت انظر لنفسي بنظرة اقل من حقيقتها، ماكنت استوعب المزايا والمواهب اللي عندي إلا لمن الله دخل بحياتي ناس يحاربون مناطق القوة عندي ويحاولون يوهموني بإني شخص غير موهوب! احس اني ضايعة وتوني لقيت ومستحيل اسمح مجددًا لأي احد او تجربة انها تضيعني.