تعرف إيه هي "الأنعام" إللي ربنا بيتكلم عنها ف سورة الأنعام؟
البحيرة والسائبة والوصيلة والحام: ثريد 🧵
البحيرة والسائبة والوصيلة والحام: ثريد 🧵
سورة الأنعام بتناقش موضوع مهم و كتير من الأوقات الناس بتتناساه أو مش بنركز معاه وهو تحريم الحلال.. كلنا عارفين تحليل الحرام وبنحذر وبنوعظ منه وكدا.. لكن في حاجة تانية عكسه وفي نفس درجة السوء تقريبا وهي إنك تحرم حاجة ربنا محللها ليك
وده في وجهة نظري لسبيين أولاً إنك بتزود على كلام ربنا.. وبتألف دين من عندك وده كإنك كده بتقول على ربنا إنه غير كامل الحكمة لإنه لو كامل ف هيحرم الحاجة دي برضه..
والسبب التاني هي إنك بتصعب الدين على الناس بحاجات مش حقيقية أصلا وده ممكن يخلي الناس تنفر من الدين
والسبب التاني هي إنك بتصعب الدين على الناس بحاجات مش حقيقية أصلا وده ممكن يخلي الناس تنفر من الدين
ودي حاجة كانت منتشرة في الجاهلية ف زمن النبي كتير وخصوصاً في مجال الأنعام.. العرب كانو بيخترعو مسميات من عندهم لبعض الحالات للبقر والإبل ويقولو عليها حرام استخدام الحيوانات دي مع إنها حلال عادي..
وهما تحديداً 4 أنواع.. اتذكر اسمهم بس على السريع كده في سورة المائدة وبعد كده أتكلم عنهم بالتفصيل في سورة الأنعام..
يقول سبحانه وتعالى: "مَا جَعَلَ ٱللَّهُ مِنۢ بَحِیرَةࣲ وَلَا سَاۤىِٕبَةࣲ وَلَا وَصِیلَةࣲ وَلَا حَامࣲ وَلَـٰكِنَّ ٱلَّذِینَ كَفَرُوا۟ یَفۡتَرُونَ عَلَى ٱللَّهِ ٱلۡكَذِبَۖ وَأَكۡثَرُهُمۡ لَا یَعۡقِلُونَ"
المائدة - 103
المائدة - 103
أول واحدة البحيرة: كان الناقة لو حملت وخلفت 5 مرات.. في المرة الخامسة يبصو للي اتولد جديد ده.. لو ذكر في يدبحوه وياكلوه أول ما يتولد.. و الرجالة بس هي إللي تاكل منه ممنوع إنه الستات تاكل منه حاجة.. لو إللي واتولد مات ف ممكن الستات منه عادي..
أما بقا لو إللي اتولد أنثى.. بيقطعوا ودانها أول ما تتولد.. وبيسموها بَحيرة.. وبيحرمو أكلها واستخدامها عامة سواء أكل أو ركوب أو أي استنفاع.. ليه؟ متعرفش.. الشيطان هما اللي قالهم يعملو كده ف بيعملوه من غير تفكير ف ليه
ومذكور ف سورة النساء إن الشيطان هوا اللي بيأمر الكفار يعملو كده
ومذكور ف سورة النساء إن الشيطان هوا اللي بيأمر الكفار يعملو كده
"وَلَأُضِلَّنَّهُمۡ وَلَأُمَنِّیَنَّهُمۡ وَلَـَٔامُرَنَّهُمۡ فَلَیُبَتِّكُنَّ ءَاذَانَ ٱلۡأَنۡعَـٰمِ وَلَـَٔامُرَنَّهُمۡ فَلَیُغَیِّرُنَّ خَلۡقَ ٱللَّهِۚ وَمَن یَتَّخِذِ ٱلشَّیۡطَـٰنَ وَلِیࣰّا مِّن دُونِ ٱللَّهِ فَقَدۡ خَسِرَ خُسۡرَانࣰا مُّبِینࣰا"
النساء - 119
النساء - 119
ثانياً، السائبة: ف ليها اكتر من معنى، أولهم هي الناقة إللي خلفت سبع مرات إناث بس وبعد كده جابت الذكر.. بيسموها سائبة وحرام يستنفع منها بأي شكل من الاشكال، لا لحم، ولا ركوب ولا وبر ولا لبن.. والذكر إللي خلفته ده يدبحوه برضه وياكلوه (رجالتهم بس، ممنوع للستات)
"وَقَالُوا۟ مَا فِی بُطُونِ هَـٰذِهِ ٱلۡأَنۡعَـٰمِ خَالِصَةࣱ لِّذُكُورِنَا وَمُحَرَّمٌ عَلَىٰۤ أَزۡوَ ٰجِنَاۖ وَإِن یَكُن مَّیۡتَةࣰ فَهُمۡ فِیهِ شُرَكَاۤءُۚ سَیَجۡزِیهِمۡ وَصۡفَهُمۡۚ إِنَّهُۥ حَكِیمٌ عَلِیمࣱ"
الأنعام - 139
الأنعام - 139
و المعنى التاني إن لو حد طلع من مشكلة ما أو خف من مرض معين كان عنده.. بيسيب ناقتين أو حاجة كدا بيقطع ودانهم ويسرحهم خلاص.. وبيقطع ودانهم عشان باقي الناس يعرفو إنهم متسيبين ف محدش يلمسهم واللي هيلمسهم بيعاقبوه.. لإن المفروض السائبة دي كإنها مهداه للآلهة اصلاً
جزء لله وجزء للأصنام
جزء لله وجزء للأصنام
"وَجَعَلُوا۟ لِلَّهِ مِمَّا ذَرَأَ مِنَ ٱلۡحَرۡثِ وَٱلۡأَنۡعَـٰمِ نَصِیبࣰا فَقَالُوا۟ هَـٰذَا لِلَّهِ بِزَعۡمِهِمۡ وَهَـٰذَا لِشُرَكَاۤىِٕنَاۖ فَمَا كَانَ لِشُرَكَاۤىِٕهِمۡ فَلَا یَصِلُ إِلَى ٱللَّهِۖ وَمَا كَانَ لِلَّهِ فَهُوَ یَصِلُ إِلَىٰ شُرَكَاۤىِٕهِمۡۗ سَاۤءَ مَا یَحۡكُمُون
الأنعام- 136
ثالثاً، الوصيلة: لو كانت الناقة خلفت سبع مرات زي ما قلنا ف المرة السابعة لو ذكر بياكلوه الرجالة بس ولو ميته بياكلوه الرجالة والستات ولو أنثى بتبقا بحيرة وبيقطعوا ودانها وممنوع حد يستنفع بيها.. لو توأم بقا ذكر وأنثى بيبقو الإتنين محرمين الإستنفاع بيهم
ثالثاً، الوصيلة: لو كانت الناقة خلفت سبع مرات زي ما قلنا ف المرة السابعة لو ذكر بياكلوه الرجالة بس ولو ميته بياكلوه الرجالة والستات ولو أنثى بتبقا بحيرة وبيقطعوا ودانها وممنوع حد يستنفع بيها.. لو توأم بقا ذكر وأنثى بيبقو الإتنين محرمين الإستنفاع بيهم
والأنثى بيقولو عليه وصلت أخاها ف حرمته علينا.. ف بيسموها وصيله
رابعاً وأخيراً، الحامي: دا كان الإبل الذكر اللي لقح إناث كتير وليه أكتر من 10 أبناء، بيقولو عليه حمى ظهره، ف بالتالي حرام ركوبه أو تحميل أي شيء عليه ظهره
رابعاً وأخيراً، الحامي: دا كان الإبل الذكر اللي لقح إناث كتير وليه أكتر من 10 أبناء، بيقولو عليه حمى ظهره، ف بالتالي حرام ركوبه أو تحميل أي شيء عليه ظهره
"وَقَالُوا۟ هَـٰذِهِۦۤ أَنۡعَـٰمࣱ وَحَرۡثٌ حِجۡرࣱ لَّا یَطۡعَمُهَاۤ إِلَّا مَن نَّشَاۤءُ بِزَعۡمِهِمۡ وَأَنۡعَـٰمٌ حُرِّمَتۡ ظُهُورُهَا وَأَنۡعَـٰمࣱ لَّا یَذۡكُرُونَ ٱسۡمَ ٱللَّهِ عَلَیۡهَا ٱفۡتِرَاۤءً عَلَیۡهِۚ سَیَجۡزِیهِم بِمَا كَانُوا۟ یَفۡتَرُونَ"
الأنعام - 138
الأنعام - 138
لو حاسس إنك استفدت حاجة من الثريد ده إعمل ريتويت، شجعني عشان أعمل ثريدات تاني عن حاجات تاني ❤️
جاري تحميل الاقتراحات...