التحفيز الخارجي بدون دافع داخلي كلام فاضي.
كثير من الناس يعتمد على المحفزات الخارجية عشان يقوم ويشتغل على نفسه، مثل مقطع عاليوتيوب او فلم معين ممكن نتفرج عليه ويعطينا حماس أو كلام من الأهل والاصدقاء. واكيد كلنا نحتاج التحفيز هذا وانا شخصيا احب اعطيه للجميع!

ولكن جرعة التحفيز والطاقة اللي تجيك اذا ماكان معاها دافع داخلي قوي وسبب مقنع لك انت شخصيا وخطوة عملية محسوسة، ماحتستفيد منها.
أنت ماتحتاج تحفيز، انت ماتحتاج احد يدعمك، انت تحتاج دافع قوي للتغيير من جوا.

الدافع لتغيير جسمك ممكن يكون انه تبي تكون بصحة افضل بعد ٥ سنين من الآن!! ممكن يكون انه مو عاجبك شكل جسمك!! ممكن يكون انه مو قادر تلبس ملابس انت تحب تلبسها!! ممكن يكون انك تبي تكون انسان مؤثر عالمجتمع!!

ممكن يكون انك انت تبي تكون الافضل برياضة معينة!! ممكن يكون اشياء كثير بس لازم يكون دافع مقنع بالنسبة لك.
الدافع الداخلي هو اللي حيخليك تقوم و تشتغل على نفسك يوم بعد يوم حتى لو ماكان لك نفس تسوي أي شيء بيومك.

ايش الدافع الداخلي عندك؟
شاركنا بالتعليقات ممكن تكون مصدر الهام لشخص يقرى تعليقك ويستخدم الدافع تبعك 🙌🏻❤️