احد الاخوه كان بيسالني علي الاكتئاب اللي عنده وأنه دائما بيفضل الوحده وعلطول حزين ..فقولتله اكشف لان الاكتئاب مرض عضوي زي اي مرض فقالي كشفت ومفيش فايده برضوا ..فبسأله اي علاقتك بربنا ؟ قالي لا بصلي وبصوم عادي وبقول الاذكار احيانا ومفيش فايده فبقوله متاكد ؟...يتبع ✨
قال اه متاكد وعادي يعني دي مش مشكله انا عايز اشوف حل جذري للموضوع دا حقيقي فقولتله تمام أن شاء هتلاقي خل ...وسبته فتره وبقيت براقبه من بعيد لبعيد في أمور العباده اللي ذكرها من الفروض زي الصلاه والصوم مثلا، فلقيته بيقصر في الصلاه كتير وكمان السنن عنده تكاد تكون معدومه...يتبع 🧑🦯
وبالنسبه للصوم فهوا تقريبا بينام النهار كله وبيصحي المغرب للاسف ...كمان عنده بعض الألفاظ ..
فلما كلمته تاني وسألني قولتله انت محتاج تصلي كويس، وتصوم كويس وتخف الفاظك شويه وتعمل ورد للاذكار مستدام والقرآن نفس الأمر ..فراح بصلي كدا وعنيه كلها علامات استفهام وتعجب؟! يتبع ✨🧑🦯
فلما كلمته تاني وسألني قولتله انت محتاج تصلي كويس، وتصوم كويس وتخف الفاظك شويه وتعمل ورد للاذكار مستدام والقرآن نفس الأمر ..فراح بصلي كدا وعنيه كلها علامات استفهام وتعجب؟! يتبع ✨🧑🦯
أن في اي يعم ما أنا قولتلك اني مسلم وبصلي وبصوم عادي زي الناس وبقول اذكار عادي ...لكنه سكت شويه وقالي يعني ازاي ؟ قولتله تصلي كويس بانك لما تقف قدام ربنا تبقي واثق انك بتصلي علشان ربنا يكرمك في حياتك ويصلحك ليه ..وانك تدي العباده حقها زي ما النبي قال وتحاول ...يتبع ✔️
علي قد ما تقدر تحافظ علي السنن، واهم حاجه في اي عباده تعملها انك تحاول تتخلص من كل العادات السيئه اللي عندك، وتكون فعلا عايز دا وفعلا كل نواياك متجهه اني بعبد ربنا علشان مكنش من آيات كتير في القران من ضمنها "فإن له معيشة ضنكا" ....لان برضوا مينفعش تعبد ربنا علشان مصلحه ..يتبع 🥱
يارب انا هبعدك علشان تجوزني فلانه، أو هعبدك علشان انال الوظيفه الفلانيه .أو او او ...لانك ببساطه عند أول اختبار من ربنا ليك هتنقلب علي وجههك فورا وهب تروح حالق دقنك ورامي السبحه وبقيت تقصر في الصلاه وخد عندك بقا ربنا يعافينا "خسر الدنيا والآخرة" ..يتبع 💙
ف انت بجد محتاج لربنا علشان انت جاي هنا تعبده مش تفرض أرائك علي دينه وتقول حريه شخصيه او تقول ما انا اديني بعبد يعم وخلاص ؟ انت عبيط ؟ انت بتمتن علي ربنا بالعبادة ؟ دا ممكن يخسف بيك سابع ارض والذي نفسي بيده انت لا تغني عنه شيئاً بجد...يتبع ✨
يبقي انت لازم تحترم نفسك وتتادب مع الله وتعمل اللي بيقولك عليه لي بقي؟ علشان تنال الدنيا والاخره ..يعني اي برضوا ؟ يعني مينفعش حضرتك تقلعي وتقولي دي حريه شخصيه او حضرتك تزني ولا تقتل وتقول انا حر قال تعالي وما كان لمؤمن ولا مؤمنة إذا قضى الله ورسوله أمرا أن يكون ..يتبع ✨
لهم الخيرة من أمرهم" ..مش بمزاجك والله خالص ..انت محتاج فعلا علشان حياتك تبقي كويسه، يكون عندك يقين من جوا انك فعلا تعبد ربنا علشان هوا ربنا وخلقني وعلشان هوا صاحب التسعه وتسعين اسم اللي انا عايش بيهم وعارف أنه " رزاق، وكريم، ولطيف، ومنان، وديان، رحيم، وغفور ..يتبع
وقوي، وشديد العقاب، ووهاب، وملك ..وكل أمور الدنيا دي في أيده ف انا لي اشغل نفسي بالاحزان واعيش فيها ؟ دا ربنا اكبر من اي حزن انا هقوم دلوقتي اذكر شويه وهبقي تمام، اصلا الحزن دا انا بؤجر عليه ..بس انا خايف من المستقبل وازاي وعندك المدبر ؟ وعندك اللطيف ؟ وعندك الودود ؟ انت ..يتبع✨
تخلط الدين بقلبك وعقلك، محتاج تسلم امورك لربنا بجد وتبقي عارف حكمة في حياتك وانك تبقي راضي باللي عندك لانك عارف أن ربنا اللي اختارلي الأمر دا ..بس الأمور دي محتاجه تتعمل بجد تتعمل بيقين مش بشك .واهو يعم ادينا بنصلي وبنصوم وبنعبد وخلاص!اوعي بجد لسانك يقول الكلام دا لانه حرفيا.يتبع
كفيل أنه يخليك تحصل قارون في خسفه! سيدنا رسول الله شيبته سورة هود فلما سُئل اشيبك فيها قصص الانبياء والعبر ؟ قال لا وانما قولت تعالي فاستقم كما أمرت زمن تاب معك!
تخيل مجرد أن ربنا أمره بالاستقامه ودا مش اي حد دا النبي شعره شاب ؟ اي استقيم ؟ استقيم ازاي والفتن والدنيا والناس
تخيل مجرد أن ربنا أمره بالاستقامه ودا مش اي حد دا النبي شعره شاب ؟ اي استقيم ؟ استقيم ازاي والفتن والدنيا والناس
استقم ازاي والحياه صعبه قوي والابتلاءات دي كلها ؟ بالدعاء اللهم يا مثبت القلوب ثبت قلبي علي دينك، بالتضرع يارب ثبتني يارب انصرني يارب اجعلني خير خليفة لك في الأرض ..يارب لا تفتني في ديني ...اتكلم قوله مش قادر والطريق صعب اهديني وخليك معايا لحد ما اخلص الرحله دي يارب! 🥺🥺💙💙💙💙
جاري تحميل الاقتراحات...