الدولة عاملة لجنة بتجتمع كل ٣ شهور تحدد اسعار الوقود، وليها سقف لنسبة رفعه، السنة دي بس رفعته ٣ مرات. لكن في المرات السابقة حافظت على سعر السولار والمازوت، في محاولة للحفاظ على اسعار المنتجات الغذائية والصناعية. المرة دي هما كمان ارتفعوا، يعني الموجة الجاية من الغلاء مختلفة.
والحقيقي ان فيه سوء ادارة لملف الاقتصاد، باعتراف المسئولين نفسهم زي ما معلق د.معيط اتعلمنا درس الاموال الساخنة، كمثال. وسوء الادارة كان واضح من البداية، وحتى اللحظة اللي بنتكلم فيها وبيتفق فيها الحكومة على قرض جديد من صندوق النقد. لكن بردو الظروف العالمية مخدمتناش/حرب اوكرانيا
انا مش عايزة اقول كلام غير متفائل، ومفيش نصيحة ممكن تتقدم لأفراد. احنا في النهاية شوية مواطنين ولا بنحط قرارات اقتصادية ولا بنغير سياسات مالية، ولا بنعمل مشاريع قومية ولا بنقدم على قروض دولية الخ الخ! نحن مفعول بنا. اي حد بيقبض مرتبه بالمصري، اللي هو تقريبا كل الشعب، يقول يا رب
جاري تحميل الاقتراحات...