في منتصف الثمانينات وزير داخليه نظر لموضوع الحشيش نظره امنيه بحته وتقريبا اوقف سوق الحشيش بمصر- ووصل ان الشباب اللي كان يجمع فلوس اخر الاسبوع علشان يشرب سيجارتين يوم الخميس نزل يشتري وجد بدلا من الحشيش حاجة اسمها بودره ارخص ودارت حوارات بين الشباب اللي يعرف خطورتها والا ميعرفش ١
الحوارات كانت تدور علي دي مش مضره ذي الحشيش و اقل من الماكستن فورت اللي كان معروف انه كيف السواقين وقتها (اتعرف لان عمال السد كانوا بياخذوه ليستطيعوا تطبيق ساعات عمل اكثر) وجانب من شباب متذكر افلام الابيض اسود عن مدمني الافيون بمصر وكلمه شمام وخاف يجربها ومنهم اللي جرب واتزحلق ٢
الوقت دا مكنش فيه انترنت وامكن السهر اما قهاوي او نوادي ليله غاليه الشباب بقي بمصيده- البودره اكتسحت وتسببت مأسي كثيره جدا وكم اللي ماتوا بسببها مخيف وبسب الادمة عدد من الافلام ظهرت لتوعيه الشباب يمكن متأخر ومكنتش علي المستوي الشبابي والاعلام اصبح بيتكلم عن الظاهره وخطورتها ٣
واصبحت البودره لها حجم بالسوق وحتي الشباب اللي دخل مصحات بقي يلاقي بودره بالمصحات والدوله حاولت تساعد اعلاميا وبتدعيم حبوب منع الادمان وحبوب معالجة الادمان ودي ساعدت نوعا-الاعلام ساعد نوعا الشباب الاصغر يعرف مصيبه البودره ولكن كان شباب كثير توفي منهم كثير من اعز اصدقاء لي ٤
وبعد مرور السنوات بقيت بسمع عن انواع مرعبه من المخدرات وبقول ربنا يستر ولكن اني اقراء بتويته عن انتشار الmeth انه اصبح يباع بالصعيد ومدن القناه وبقي له اسم دلع الشابو وكم تعليقات علي التويتة توضح المشكله وبقي اسمه الشابو (اصول اسمه يبقي المدمر او المميت) و لا اظن الاعلام ٥
بيتكلم عن خطورته وخطوره انه يصنع من ادويه واحنا عندنا الادويه تباع دون روشتات وان الامن بيواجه نوع جديد ليس تهريب بل تصنيع محلي وخطورته اننا منعرفش متصنع اذي تحت السلم وقد يكون مدمر اكثر من اللي بيتصنع بالخارج بكثير والاعلام لازم يعرض خطورته ويعرض ٦
مناظر مدمنين الmeth واذي بيدمر المخ وبيلحس الدماغ وتاثيره-حتي جلسات منع الادمان ال NA بمصر عندنا ليست منتشره و اللي عاوز يوصل لها ليست بسهوله وليست معلنه اوي مجرد بحث بالنت وهنعرف انها محتاجة دعم من مؤسسات او شركات كل دا محتاجين ندعمة وخصوصا انها منظمه غير هادفة للربح ٧
فكره ان الشاب اللي بيستخدم مخدرات دا شاب مش متربي وغير متدين دي نظره غلط ونظره قاتله ومحتاجين نراجعها-لو افترضنا للمناقشه دا صح نسيبهم يموتوا ونسيب مخهم يلحس- اتمني نظره من الاعلام ولا تكون مجرد هوجة اعلاميه بل محتاجة دراسه علشان تقدر تناقش دماغ الشباب وتوفير ايضا حاجات كثير ٨
ذي دعم للNA وتوسعتها وضمان سريتها ودعم للمصحات والاشراف عليها لضمان انها بتعالج صح وتبقي غير هادفة للربح وتوفير ادويه منع الادمان بأسعار الخارج وليس الاسعار اللي بسمع عنها- اتمني نظره من المجتمع ومؤسسات المجتمع المدني وشركات القطاع الخاص اللي تستطيع تمويل المنظومة وتمويل ٩
الادويه- واللي فاكر ان الحل في ان تحليل المخدرات دا هيوقف المشكله يبقي مش فاهم الشباب ولا دماغهم ولا دماغ المدمن-اللي بيتزحلق وعاوز يتعالج مش عارف بين مصحات غاليه اوي وادويه اغلي الي الفضيحة كذلك كثير مش عارف الطريق اذي يبدء انه يتوقف- ١٠
انا بكتب الثريد دا لاني لم اتخيل اني اقراء تعليقات علي تويتة من شخص يحذر من خطوره الmeth والتعليقات ان اسمه الشابو وانه موجود بنواصي قنا والمنيا ومدن الصعيد وبحري ومدن القناه- مدن لم اتخيل ان النوع دا يتباع بها بالنواصي عادي كدا لاني كنت متخيل ان اهلها سوف يمنعوا التجار ١١
تاني- فكره اصل دا شباب بايظ دي نظره غلط وخطر- اصدقائي اللي توفوا من المخدرات كانوا متربين ربنا يرحمهم- كانوا شباب عاوز يجرب ومش عارف الخطوره واتزحلق بنفق مكنش وقتها معروف تطلع منه اذي- اتمني مره اخري الاعلام يهتم بالموضوع بجد ومؤسسات المجتمع المدني تهتم اكثر ونتكاتف- ١٢
تسهيل تراخيص الNA لان المعلن علي النت ليس بحجم بلدنا ايدنا ونسبه شبابها ومعرفش هل محتاجة تصاريح ببلدنا ام لا وهي مطبقة بدول كثيره وعملت نجاحات كثيره وليس فقط بالمخدرات (ذي جلسات الادمان اللي بتشوفها في الافلام الاجنبيه واتباع خطوات التعافي) اتمني ١٣
اتمني ان الاعلام ينسق والمجتمع المدني ينسق ونسبق الحدث ولا نكون رد فعل لمصيبه قاتله- اسف لو كتبت كثير ولكن علشان فقدت اعز اصدقاء لي خفت علي شبابنا وان اهل تتعرض لما تعرض له الاهالي اللي اعرفهم- ١٤
جاري تحميل الاقتراحات...