إمبارح وبشكل صادم، أفصح محمد فرح أو مو فرح، أنجح عداء بريطاني يمكن، عن قصة غريبة إنه تم تهريبه لبريطانيا بشكل غير قانوني وإن اسمه الحقيقي مش محمد فرح وإن ده كان الاسم اللي على بطاقة الهوية اللي دخل بيها إنجلترا وهو طفل قادما من جيبوتي مع سيدة ميعرفهاش ولا قابلها قبل اليوم ده (1)
قال إن اسمه الحقيقي حسين عبدي كاهين واتولد في الصومال وأبوه قتل في الحرب الأهلية وافترق عن أمه، وسافر بعدها لبريطانيا وكان فاكر إنه هيعيش مع أقاربه هناك لكن الست قطعت الورقة اللي كان فيها أرقام قرايبه، وعاملوه بشكل سئ مع التهديد إنه مش هيشوف أسرته تاني لو قال حاجة (2)
القصة انتهت لما قال لأحد مدرسيه في الثانوي على قصته وهويته الحقيقية، اللي بدوره ساعده يروح لملجأ وبعدها تبنته أسرة صومالية أخرى، عمره ما قابل أسرته الحقيقية تاني لكن على حد قوله الأمور بدأت تتحسن معاه من لحظة ترك الأسرة اللي هربته بشكل غير قانوني (3)
مو فرح أخد الجنسية البريطانية سنة 2000 ورغم إنها بهوية تانية لكن المحاميين طمنوه إنها مش هتتسحب منه بسبب الوضع بتاعه، هو يعتبر أنجح العدائين البريطانيين بأربع ميداليات ذهبية في الأولمبياد و6 في بطولات العالم كما أنه حاصل على لقب سير (4)
جاري تحميل الاقتراحات...