لو انت من الناس اللي بتدوخ او بتتعب لما بتركب عربيات او مراكب او طيارات و حابب تعرف ايه اللي بيحصل جواك بالتفصيل و لكن ببساطة و ازاي ممكن نخفف من الموضوع ده تابع الثريد للاخر
يارب اعرف اوصل المعلومة بسهولة و الثريد يفيدكم و يعجبكم ❤️
يارب اعرف اوصل المعلومة بسهولة و الثريد يفيدكم و يعجبكم ❤️
اولا تعال اخدك في رحلة شيقة نتعرف فيها على اُس المشاكل اللي في حياتك و اللي غالبا هيكون معكنن عليك دلوقتي بما اننا وصلنا لمنتصف الليل
انه ياسادة المخطط للمستقبل و صاحب الاعصاب و الاشارات و المسؤول عن نجاتك حتى هذه اللحظة المُلقب ب ابو الفصوص احب اعرفك على مخك 🧠
انه ياسادة المخطط للمستقبل و صاحب الاعصاب و الاشارات و المسؤول عن نجاتك حتى هذه اللحظة المُلقب ب ابو الفصوص احب اعرفك على مخك 🧠
طبعا المخ اعقد بكتير من اني اقوله بالتوصيف اللي جاي ده و لكنه فعلا توصيف بسيط و نفهمه
تقدر تقول ببساطه ان عندنا مخين واحد ممكن تعتبره صاحبك اللي راشق في كل حاجه و عندك التاني الرزل اللي عايز يروح البيت الساعة 8 و عايز ينام بدري و سيب الزفت اللي في ايدك ده
ف تعالو نشوف مين دول
تقدر تقول ببساطه ان عندنا مخين واحد ممكن تعتبره صاحبك اللي راشق في كل حاجه و عندك التاني الرزل اللي عايز يروح البيت الساعة 8 و عايز ينام بدري و سيب الزفت اللي في ايدك ده
ف تعالو نشوف مين دول
في علاقة مصلحة قديمة اوي بين المخ والجسم
ف المخ محتاج الجسم عشان يعيش و الجسم محتاج المخ عشان يشغله و هذه العلاقة خلت ان في جزء من المخ مُخصص للبقاء وهو ده صديقك الرزل وهو ال Primitive Brain او Reptile brain او من الاخر المخ البدائى
فما هو هذا المخ البدائى الرزل ؟
ف المخ محتاج الجسم عشان يعيش و الجسم محتاج المخ عشان يشغله و هذه العلاقة خلت ان في جزء من المخ مُخصص للبقاء وهو ده صديقك الرزل وهو ال Primitive Brain او Reptile brain او من الاخر المخ البدائى
فما هو هذا المخ البدائى الرزل ؟
منذ نشأتنا على الارض و احنا طلعان عينينا هروب من مفترسين و جري و صارع عالبقاء ف الجزء ده من المخ هدفه هو البقاء ايا كانت الوسيلة بقى هو عايزك بتتنفس و تهضم و اعضائك شغاله اوتوماتك و مستحميه و زي الفل بره عنك بقى من غير ما تحس بحاجه هو ميعرفش حاجه غير انه يحافظ عليك "فقط"
تعال بقى نتعرف على حبيبك و صديقك الصدوق رشقت وهو الاكثر تكيفا و مرونه و المسؤول عن الادراك و التفكير و الوعي بالتطورات الحلوة بتاعت اليومين دول حتى اسمه تحسه جديد كده
كل هذا و اكثر ستجدونه في القشرة الحديثة للمخ او ال Neocortex شايف الاسم و حلاوته تحسه اسم كارت شاشة والله
كل هذا و اكثر ستجدونه في القشرة الحديثة للمخ او ال Neocortex شايف الاسم و حلاوته تحسه اسم كارت شاشة والله
الاخ الرزل و صديقك رشقت المفروض انهم حبايب و وظيفتهم انك تبقى آمن في حياتك و متظبط في مزاجك و لكن هيهااات
المخ البدائي هدفه النهائى هو بقائك ف مثلا لو انت قعدت فترة بتذاكر بليل صديقك رشقت هيستوعب انك منتبه و مشغول لكن الرزل هيقول الجسم محتاج راحة الجته دي تنام حالا ف هتلاقيك نمت
المخ البدائي هدفه النهائى هو بقائك ف مثلا لو انت قعدت فترة بتذاكر بليل صديقك رشقت هيستوعب انك منتبه و مشغول لكن الرزل هيقول الجسم محتاج راحة الجته دي تنام حالا ف هتلاقيك نمت
بقائك هو الاهم عشان كده صاحب اليد العليا في القرارات هو المخ البدائى ف لو حد قالك بتنام كتير ليه وقت المذاكرة قوله الريبتايل برين شادد عليا اليومين دول وهو هيحس بخطورة الموقف
حد هيقولي طيب اتعرفنا دلوقتي على المخين بتوعنا ايه علاقة ده بالدوار و الترجيع و البهدلة دي ؟
هقولك اتقل
حد هيقولي طيب اتعرفنا دلوقتي على المخين بتوعنا ايه علاقة ده بالدوار و الترجيع و البهدلة دي ؟
هقولك اتقل
جسم الانسان ماشاء الله مُصمم للهروب و الحركة ف هتلاقي اكبر عضلة عندك موجودة في منطقة الفخذ و عندك هيكل عظمي مثالي للحركة و حتى الاعصاب نفسها فيها كتلة عصبية في اسفل النخاع الشوكي اسمها Pattern generators بتخلينا نتحرك و نتكيف مع الطريق من غير مانحس ف نقدر نعمل اي حاجة وقت الحركة
المخ البدائي عامل ليست كده يفهم منها الحركة
عضلات الحركة شغاله✅
نظام الاتزان اللي في الاذن الداخلية -شوية قنوات عظمية فيها سائل بيخليك تحس بالاتزان و الاتجاه -✅
العين بعتالي ان في حاجات بتتحرك ✅
الجسم بيتحرك حركة متكررة ✅
تمام اوي كده الجسم ده بيتحرك ربنا معاه
عضلات الحركة شغاله✅
نظام الاتزان اللي في الاذن الداخلية -شوية قنوات عظمية فيها سائل بيخليك تحس بالاتزان و الاتجاه -✅
العين بعتالي ان في حاجات بتتحرك ✅
الجسم بيتحرك حركة متكررة ✅
تمام اوي كده الجسم ده بيتحرك ربنا معاه
و لكن مع التطور اللي حاصل دلوقتي بقينا نتحرك من غير مانتحرك اصلا ف المخ البدائي يشوف الليست
عضلات الحركة شغاله❌
نظام الاتزان غير حركته ❌
العين بعتالي ان في حاجات بتتحرك ✅
الجسم بيتحرك حركة متكررة اه بس مش بتاعت الحركة❌✅
ايه الهبل ده الجسم مبيتحركش اصلا
عضلات الحركة شغاله❌
نظام الاتزان غير حركته ❌
العين بعتالي ان في حاجات بتتحرك ✅
الجسم بيتحرك حركة متكررة اه بس مش بتاعت الحركة❌✅
ايه الهبل ده الجسم مبيتحركش اصلا
كل ده في الحركة على البر اللي تقدر تميز فيه الحركة عن طريق ثابت و متحرك لكن في مكان زي البحر ؟ انت حتى العين مش قادرة تميز الحركة ف اشارتها بتتداخل مع باقي الانظمة
و اطلع كمان في الجو اللي هتلاقي في اشارات جديدة كمان وهي الضغط الجوي كل ده و المخ مش فاهم ايه الحوارات دي ياجماعة
و اطلع كمان في الجو اللي هتلاقي في اشارات جديدة كمان وهي الضغط الجوي كل ده و المخ مش فاهم ايه الحوارات دي ياجماعة
المخ الواعي او الNeocortex فاهم و معندوش مشاكل ياعم البدائى ده نمط جديد للحركة و التاني لا في مشكلة في الجسم ياعم والله متقلقش الراجل راكب للسيدة عيشة بس لااا اكيد في اضطراب حصل للجسم طب ايه ياعم الاضطراب ده؟
المخ البدائى يفضل يدور لحد ما يقرر حاجه خطيرة جدا
ان الجسم في حالة تسمم
المخ البدائى يفضل يدور لحد ما يقرر حاجه خطيرة جدا
ان الجسم في حالة تسمم
المخ البدائى على قديمه قالك الجسم اللي انا فيه ده فيه حاجه غلط
ف يقعد يدور هل في حاجه نكدت عليه طب نام زعلان مهو الخاين اكيد خارجي مينفعش يبقى من جوه الجسم ف يفضل يدور و يقلب لحد ما يقفش الشاورما اللي لسه واكلها ف يقولك بس هو ده السم يلا المعدة شوفي شغلك دقيقة مشوفش الشاورما دي
ف يقعد يدور هل في حاجه نكدت عليه طب نام زعلان مهو الخاين اكيد خارجي مينفعش يبقى من جوه الجسم ف يفضل يدور و يقلب لحد ما يقفش الشاورما اللي لسه واكلها ف يقولك بس هو ده السم يلا المعدة شوفي شغلك دقيقة مشوفش الشاورما دي
نقدر ببساطه نقول ان المخين بيخشو خناقة كده على اننا بنتحرك او لا لحد ما المخ البدائى ينفذ اللي في دماغه و يحسس الجسم بعدم الراحة سواء بالصداع او القئ او الرعشة لحد زوال السبب وهو الحركة
بس احنا فصيلة رزلة برضه و بنتكيف و عندنا حلول للتخفيف من الدوار ده هو احنا هنوقف حركة يعني ؟
بس احنا فصيلة رزلة برضه و بنتكيف و عندنا حلول للتخفيف من الدوار ده هو احنا هنوقف حركة يعني ؟
اليكم يااصدقائي هذه النصائح للتخفيف من دوار الحركة
بلاش شاورما ولا اكل تجنبا لرزالة المخ
مضغ اللبان بيخفف شوية اشارات نظام الاتزان
بلاش اي حاجه فيها تركيز سواء كتاب او موبايل لان ده فعل لا يتماشي مع الحركة احنا اساسا بنلصم المخ
النوم طول عمره حل لاي مشكلة ف مجتش على دي
بلاش شاورما ولا اكل تجنبا لرزالة المخ
مضغ اللبان بيخفف شوية اشارات نظام الاتزان
بلاش اي حاجه فيها تركيز سواء كتاب او موبايل لان ده فعل لا يتماشي مع الحركة احنا اساسا بنلصم المخ
النوم طول عمره حل لاي مشكلة ف مجتش على دي
في حالات بتبقى شديدة و في بعض الاحيان مرضية لان بيبقى في مشاكل في نظام الاتزان في الاذن ف لازم نروح لمختص وهو هيكتب الدواء المناسب انا مقدرش اقول اي دواء من ادوية دوار الحركة رغم انها كتير بس افضل انها تبقى من مُختص و خاصة لو حد مريض بالسكر عشان دوار الحركة بيبقى ارخم شوية عندهم
و بس كده ده كان كل اللي عندي يارب تكونو اتبسطتو و عرفتو شوية معلومات بسيطة و اسف طبعا لو كان في نقص بس حاولت اختصر على قد مااقدر ولو في اي تصحيح او معلومة زيادة مُرحب بيها دائما
شكرا لكل واحد وصل لاخر الثريد و مزهقش و ربنا يبعد عننا الدوار و اي افعال حمقاء من المخ ❤️
شكرا لكل واحد وصل لاخر الثريد و مزهقش و ربنا يبعد عننا الدوار و اي افعال حمقاء من المخ ❤️
و طبعا مش محتاج اقول ان معظم المعلومات متاخده من كتاب The Idiot brain او النسخة المترجمة منه " المخ الابله " و اللي كل اللي عندي تقريبا عارفين اني بقراه دلوقتي و ارشحه جدا ف توقعوا شوية ثريدز شبيهة قادمه
جاري تحميل الاقتراحات...