رتبها

الموسيقى الثقافة التراث الثقافي ["\u062e\u062f\u0645\u0629 \u0627\u0644\u0645\u062c\u062a\u0645\u0639","\u0642\u0635\u0635 \u062f\u064a\u0646\u064a\u0629","\u0623\u0648\u0631\u0648\u0628\u0627","\u0627\u0644\u0637\u0641\u0648\u0644\u0629","\u0623\u0633\u0644\u062d\u0629"] الهوية الفلسطينية التراث الفلسطيني

الزُّمُر

@elzomor13

15 تغريدة 12 قراءة Jul 21, 2022

Twitter

من حوالي 10 سنين كانت بداية معرفتي بريم بنّا.. صديق رشّحها لي أسمعها علشان كنت بأحب كاميليا جبران أوي، واداني ساعتها تقريباً ألبوم مواسم البنفسج، ومرايا الروح
ومن ساعتها وأنا بقيت من أشد معجبي ريم بنا

هأتكلم عن ألبوم ألبوم من اللي سمعتهم، والأغاني اللي كانت شداني جداً فيه
ونبدأ بأول ألبوم: الحلم
discogs.com
الألبوم فيه حاجات من التراث الفلسطيني، أشهرهم اللي غنتها كذا مرة صولو من غير آلات، يا طالعين الجبل

www.discogs.com

يا طالعين الجبل ليها حكاية، إن زمان كانوا لما يبقوا عايزين يوصلوا رسالة للأسرى اللي محبوسين فوق الجبل، كانوا بيستعملوا نوع من أنواع الشفرة، وهي إضافة (لل) لآخر المقطع.. زي
يا طالعين لل الجبل يا مو لل الموقدين النار بين لل يامان يامان عين لل الهنا يا روح

طبعاً فيه versions مختلفة كتيرة للأغنية أشهرها اللي عملتها تريز سليمان في ميكس لطيف جداً مع صوفيا في أغنية Panaderas
youtube.com

- من الأغاني اللي برضه ريم اتشهرت بغناها صولو من غير آلات، هي أغنية المغني.. من كلمات الشاعر الفلسطيني توفيق زيّاد.. أغنية هادية جداً وكلماتها إنسانية جدا جدا جدا ومن أحلى أغاني ريم في تاريخها كله عامة
"أنا بشرية في حجم إنسان
فهل أرتاح والدم الزكيّ يُسفك؟"

- من أشعار سميح القاسم، أعادت ريم بنا تلحين أغنية كانت غنتها كاميليا جبران مع فرقة صابرين قبلها بحوالي 10 سنين، وهي أغنية (أحكي للعالم) بطريقة مختلفة تماما عن اللحن الأول، لحن حزين هادي مليان شجن، مختلف تماما عن لحن صابرين

وفي مرة سألتها على الفيسبوك عن إن ليه هي عملت كده، وهل بعد الفترة دي لما ترجع للحن (اللحن كان سنة 93) هل هي شايفة إنها قدمته بشكل أفضل من صابرين؟
ردت رد لطيف أوي، وقالت لي إنها عملت اللي هي شايفاه متسق مع الكلام، الكلام حزين، فهي عملت لحن مناسب له

"أحكي للعالم أحكي له
عن بيتٍ كسروا قنديله
عن فأسٍ قتلت زنبقةً
وحريقٍ أودى بجديلة"
ده لحن فرقة صابرين
youtube.com

- لسه مع سميح القاسم،وهنا بتقدم له أغنية ثائرة جدا اسمها (ذات يوم) بتحكي قصة اعتقال شخص وإهانته قدام أهله وتعذيبه وإعدامه في الوقت اللي هو فيه ما بيركعش قدامهم مهما حصل.مع صوت ريم الدافي واللحن الهادي بتحس إنك عايش معاهم
"قتلوني ذات يومٍ
يا أحبائي لكن
ظلّ مرفوعاً إلى الغرب جبيني"

- بتقدم والدتها الشاعرة (زهيرة الصباغ) جوهرتين في الشريط ده.. (الحلم) اللي اتسمى عليها الألبوم واللي بالمناسبة أعادت ريم توزيعها في ألبوم تاني بعدها و(صمت الليل) اللي بتحكي عن شاب لسه مجابش عشرين سنة، مات وهو بيقاوم بالحجارة

- أغنية (عينيكي) أغنية رومانسية لطيفة هي الوحيدة من نوعها في الألبوم تقريباً.. وحتى لحنها مختلف تماما عن باقي الألبوم.. ودي من أشعار سيدي حركش

ونختم بأغنيتين برضه من التراث الفلسطيني (أو خليني أقول تهويدتين فلسطينيتين) من الحاجات الجميلة جداً اللي بيبان فيها جمال صوت ريم وجمال التراث الفلسطيني
- يا ليل ما أطولك
- يا ستي

وده لينك لكل أغنية
1- الحلم
youtube.com
التوزيع الجديد من ألبوم مواسم البنفسج
youtube.com
2- عينيك
youtube.com
3- المغني
youtube.com
ودي نسخة صولو بدون موسيقى
youtube.com
4- يا ستي
youtube.com

5- أحكي للعالم
youtube.com
6- يا طالعين
youtube.com
نسخة صولو
youtube.com
7- صمتَ الليل
youtube.com
8- ذات يوم
youtube.com
9- يا ليل
youtube.com
نسخة صولو
youtube.com