في كمية من الناس حاصل ليها شوية عدم ارتياح من الوضع السياسي و بي صورة أصح ماقادرة تفهم مشاعرها اتجاه الموقف الثوري بتاع الثوار ولجان المقاومة .وكلما الزول ابتعد عن التطور التنظيمي والفكري والنقاشات داخل لجان المقاومة بيحس زيادة انو مافاهم أو ما مرتاح من الحاصل. احاول اشرح ليك
لمن حصلت الثورة ضد البشير كان في حد أدني بتاع نزح البشير حتي. من قبل الاسلاميين زاتهم .. برضو القوة الفعلية الثورية الدايرة تعمل تغيير حقيقي لسا تصورها خام زي ما بقولو .. خام لي درجة قبلت قحت مفاوض ليها .. ودي حاجة عادية بعد قمت تلتين سنة بي سبب نظام الاسلاميين
يلا بعد تلاتة سنين من التطور والنقاشات والمعارك بتبدي تتغير اهدافك .. يعني مثلا فتحتا طبلية انتا وتلاتا اصحاب عشان تشتغلو اقاشي .. بعد شوية اتنين منكم قالو يشيلو قرض عشان يعملو مطعم عديل .. هو تقدم ما مريح ليكم كلكم وفيو خطر واحتمال ما تتفقو لكن هو الخطوة الصحيحة طبعا
اسي في رؤية اوضح والحد الادني بتاع الاتفاق ارتفع .. لانو الناس بقت عارفة شكل السودان الصح شنو .. أو بجملة اكتر حيادا في مجموعات منظمة دمقراطية زي لجان المقاومة وغيرها بقي عندها تصور ..التصور دا جا بي تصويت وبحث وندوات اصلا ما بتقدر تتنازل عنو لانو تصور دمقراطي علمي
يلا دا الراهن السياسي بتاع البلد .. بي سقف مناسب بالمناسبة .. ما سقف عالي ولا خيالي .. دولة مساواة بدون وصاية عسكر دا الخط العام .. لو حاسي انو ما قادر تفهم أو تحس بالحاجة دي امشي اقرب لجنة مقاومة ليك واسألهم حيشرحو ليك .. تعال الاعتصامات بشرحو ليك وشكرا
جاري تحميل الاقتراحات...