رتبها

Be555

12 تغريدة 6 قراءة Jul 08, 2022

يوم 13 أغسطس بيكون اليوم العالمي للعسر.. يعني ايه.. يعني اللي بيكتبوا بأيدهم اليسار.. أو اللي بيستخدم إيده الشمال اكتر من اليمين..
تمام.. بس ليه اتعملهم يوم عالمي؟.. تعالى احكيلك..

تاريخيا وعند شعوب كتير منها العربية.. كان دايما اللي بيستخدم إيده الشمال أو اليسار كان بيتعبر إنه بيتعلم على ايد الشيطان..

وفي القرن 18 و19 كانوا بيتعاملوا بقسوة وبيتكتفوا.. وأحيانا كانوا بتم اتهامهم بممارسة الشعوذة..

كان بيتقال عليهم ألفاظ مختلفة زي.. "مشعوذ، غير نظيف، شرير، ضعيف، بائس"..

وكل ده علشان بس كان بيستخدم ايده الشمال أو اليسار في عالم مهيمن عليه أصحاب اليد اليمنى..

كل الخوف والتحقير والاضطهاد ده كان بسبب عدم فهم انه كده طبيعي.. وإن أصحاب اليد اليمنى برضو طبيعين.. وإن الفطرة مش بس انك تستخدم اليد اليمنى.. لأ ممكن كمان تبقى اعسر وتستخدم اليد اليسرى وتبقى فطرة برضو..

مع الوقت الدنيا بقت تشوف ان ده فعلا طبيعي ومنطقي وانك مهما كتفت اللي بيستخدم إيده اليسار عمره ما هيتغير ويستخدم إيده اليمين..

وبالتالي بقوا يتعاملوا كأنهم بشر عاديين.. واتعمل اليوم العالمي لأصحاب اليد اليسرى.. لأ وكمان اتعمل يوم عالمي للاحتفال بيهم..

طيب انا هنا بعمل إسقاط على إيه.. على حركة فطرة واللي عاملينها واللي مؤيدينها.. دلوقتي العالم مابقاش زي العصور الوسطى.. اللي هيهاجم وجود فئه معينة موجودة عالكوكب هيلاقي هجوم أشرس مضاد.. وماحدش هيكسب فيه..

الفطرة هي اللي مجتمع الميم اتخلقوا بيها كده وانتوا رافضينها.. فقشطة.. كملوا صياح عادي لأنهم موجودين.. وفي الغالب هيفضلوا موجودين..

وفي يوم من الأيام مجتمع الميم هياخد حقوقه كاملة في انه يعيش آمن وسط مجتمع كارهه لمجرد ميول طبيعية فطرية اتخلق بيها..