السيسي ارتكب خطأ فادح امبارح لما اتكلم بفخر عن تأجير شركة العاصمة المباني الحكومية للوزارات ب ٤ مليار في السنة، هو تخيل للأسف إنه بيكلم ناس عندها أدنى حد من الفهم هو يقصد ايه بالجملة دي من تعظيم للأصول، وإدارة رشيدة للموارد، وفصل في الاختصاصات، وزيادة ايرادات، وحفاظ على مقدرات
الأرض أرض الدولة وشركة العاصمة هي المسئولة عنها، عظمت قيمتها من خلال بيع بأسعار فلكية بالنسبة لأرض في الصحراء، فدخل للبلد ممثلة في الشركة التابعة لهيئة المجتمعات العمرانية أرباح فلكية، الشركة قامت ببناء الحي الحكومي من الأرباح وحتأجره للوزارات اللي المفروض
ومن قديم الأزل بتدفع للحكومة ثمن ما تستهلكه من خدمات حكومية( وكانت بتبلطج ومبتدفعوش وبيتسجل ديون)، والحكومة ممثلة في شركة العاصمة متعاقدة مع شركات خاصة بمليارات لصيانة المباني الحكومية عشان تحافظ على أصول الدولة ومتتهالكش
المشكلة دلوقتي ان فيه ناس سلمت دماغها لحوش فهموهم ان الدولة دفعت من ميزانيتها لبناء العاصمة وبالتالي اللي مصدق كلام ده واقف في البرزخ حرفيا ملط ومعاه ناس تانية كتير اللي متعلم واللي مش متعلم ومصر واقفة بتبصلهم وفاتحة بوقها من العجب وبتسالهم انتو يا جماعة قريتوا ايه في حياتكم
ملحوظة بس، حضرتك بتدفع ضريبة للدولة عشان الدولة تزود دخلها وتعملك خدمات، فالدولة راحت عملت مشروع ناجح جدا وبتزود دخلها عشان تعملك خدمات المفروض تكون حاسس بيها، فايه اللي مزعلك انا مش واخد بالي برضه
جاري تحميل الاقتراحات...