١
عارف إيه إللي بيخلي أبوك يلف يطفي أنوار الشقة؟
ويدور يقفل في الحنفيات ويتأكد من ريحة الغاز ؟
ويزعق للي بيرزع الباب جامد؟
عارف إيه إللي بيخليه ينصحك بكلام مكرر وهو متأكد إنك غالبا مش هتنفذه ؟!
عارف ليه بيبقى متضايق يمكن أكتر منك كمان لما كنت بتجيب درجة وحشة في الدراسة ؟
يتبع

٢
عارف إيه بيخليه فرحان جداً ومرتاح نفسياً وانت بتصرف فلوسه ف حاجة كويسة ؟
طيب عارف إيه إللي جايبله الضغط والسكر والقلب من عصبيته على حاجات تافهة من وجهة نظرك؟
فيه ناس كانت زيك كده مش عارفة إيه السر ف كده
بس لما كبرت ولقيت نفسها تلقائي بتعمل كده فهمت السر
هي المسؤولية
يتبع

٣
المسؤولية إللي بتخليك تفرح وتستمتع بإبنك وهو بياكل ويشرب ويلبس ويصرف ..
أكتر من فرحتك ومتعتك لما إنت شخصياً تعمل كده ..
المسؤولية إللي بتخليك حامل هم مستقبل إبنك في الوقت إللي هو نفسه مش مهتم بالحاضر ..
يتبع

٤
عارف لما تكون راكب جنب السواق وتبص من الشباك وتلعب بالموبايل.. وهو ماسك الدركسيون وعينه على البنزين والزيت والحرارة وعداد السرعة والطريق ..
لما تكبر هتحس بده كله.. لأنك باختصار.. هتبقى السواق
ولحد لما ييجى اليوم وتبقى السواق لازم تعرف أن جزمة أبوك قدام باب الشقة لا تقدر بثمن

٥
رحم الله آباءنا جميعا أحياء و أمواتا واسكنهم الفردوس الاعلي من الجنة❤
منقول