تفاصيل وكواليس حلوة جدا في تقرير "أثليتك" الخاص بتجديد عقد محمد صلاح هقولها في نقط سريعة في الثريد ده وبيرد على أسئلة كتير زي "ليه ادارة ليفربول أصرت على تجديد عقد صلاح رغم رفضها طلباته في البداية.. الفرق بين موقف صلاح وماني من التجديد..دور كلوب..وازاي راتب صلاح يوصل ل٤٠٠ الف"..١
البداية.. "أثليتك" بتأكد ان رامي عباس كان في نفس الفندق اللي قعد في جون هنري مالك نادي ليفربول في باريس لمشاهدة نهائي دوري ابطال اوروبا ولكن محصلش اي قعدة بينهم او استكمال للمفاوضات المتوقفة من شهر ديسمبر الماضي عند نفس النقطة ان طلبات صلاح مبالغ فيها وان عرض ليفربول غير مرضي..٢
رامي عباس بعت ل مايك جوردون الرئيس التنفيذي والراجل رقم ١ في الفلوس يعني في ليفربول هو اللي يقول ندفع ولا لا.. بعتله ميل بكل تفاصيل طلبات صلاح والموضوع كان حيز التفاوض طول النصف الثاني من الموسم عبر "الايميلات"...٣
حاجتين مهمين كانوا ضمن الحجات الفارقة في تغيير موقف إدارة ليفربول من تجديد عقد صلاح.. أولا "إعلان صلاح رسميا بقائه لنهاية عقده مع ليفربول اللي بيخلص الصيف اللي جاي".. ثانيا "تأكيد صلاح رغبته في البقاء داخل البريميرليج عشان عيلته مستقرة جدا في انجلترا خاصة بناته مكة وكيان"..٤
"أثليتك" بتأكد ان ادارة ليفربول خافت طبعا خسارة صلاح لأي غريم داخل البريميرليج علما بأن الشبكة كشفت ان برشلونة كان واحد من اكتر الاندية الاوروبية الكبيرة المهتمة ب محم صلاح وطلبت من رامي عباس اطلاعه على كل تطورات موقف صلاح مع ليفربول املا في التعاقد معاه مجانا الموسم المقبل..٥
إدارة ليفربول كانت ناوية تعرض عرض جديد على صلاح في الأسابيع الاخيرة من الموسم والعرض فعلا جه بعد تتويج صلاح بجائزة افضل لاعب من قبل رابطة المحترفين.. والعرض كان فيه مرونة كبيرة من الطرفين خاصة ان ليفربول كان حسم موقفه من رحيل ماني وشال راتبه من الميزانية..٦
بجانب ماني "كان رحيل اوريجي وراتبه برضه اللي اتشال من الميزانية "١٠٠ الف جنيه استرليني اسبوعيا".. ومصادر الشبكة قالت ان داخل ليفربول كانوا عايزين يجددوا عقد ماني ولكن ماني كان عايز تجربة جديدة وعايز يمشي عكس موقف صلاح اللي رغبته كانت واضحة وصريحة في البقاء داخل ليفربول..٧
ادارة ليفربول كانت عارفه رغبة صلاح في البقاء..والشبكة كشفت ان وجود يورجن كلوب في ليفربول وتطور صلاح معاه بشكل كبير فرق جدا في قراره بالبقاء..كمان صلاح ارتبط مع ايان راش اسطورة النادي بصداقة قوية وراش قال ل صلاح خليك في ليفربول عشان يحافظ على ارثه بما انه كسر عدد كبير من ارقامه..٨
كمان كلوب كان معجب جدا بموقف صلاح وطريقته طول مفاوضات التجديد لأنه مأثرش عليه في ادائه داخل الملعب.. كمان تعامله مع اللاعبين الشباب ومساعدتهم زي هارفي ايليوت اللي بيحب صلاح جدا وصلاح بقى بيديله نصائح للتطور...٩
ادارة ليفربول كمان رغبته كانت في الابقاء على صلاح تحديدا وخاصة رغبة جون هنري مالك النادي ولكن كانت سياستهم واضحة ان تجديد صلاح اولوية ولكن مش بأي ثمن.. وبالتالي حصلت التسوية بين ادارة ليفربول ورامي عباس واتفقوا على الاتي...١٠
صلاح هياخد راتب ٣٥٠ الف جنيه استرليني اسبوعيا وده اعلى راتب في تاريخ ليفربول لاي لاعب بجانب مكافات وحوافز تقدر توصل صلاح انه ياخد راتب ٤٠٠ الف جنيه استرليني وعن اقتناعهم بناء على كلوب ان صلاح يقدر يدي في نفس المستوى لسنين كتير جايه بجانب شعبيته الجماهيرية الكبيرة في ليفربول..١١
كمان ادارة ليفربول عارفه ان ده حل اقتصادي اصلا بالنسبة لهم لانهم لو حاولوا يعوضوا رحيل صلاح هيدفعوا اكتر بكتير انهم يعرفوا يجيبوا لاعب بامكانياته وقيمته التهديفية للفريق..١٢
وبالتالي قررت ادارة النادي تبعت جوليان وارد المدير الرياضي ومعاه جوناثان بامبر مدير النادي ك مندوبين عشان يروحوا ل صلاح في اجازته اللي كانت في فيلا على جزيرة في اليونان عشان يمضوا العقد ويعملوا الحكاية اللي حصلت على تويتر والمتفق عليها ما بين رامي عباس وادارة ليفربول..١٣
الخلاصة.. محمد صلاح كسر كل المقاييس باللي حصل وبقى لاعب فريد من نوعه في كل اللي حصل معاه في ليفربول واللي بيثبت انه يكاد يكون افضل واهم اسطورة داخل النادي عملوها بالطريقة دي على مر التاريخ وكلوب اكدها وقال "ليفربول بقى نادي محمد صلاح"..١٤
في النهاية متأكد ان اهم وافضل حاجة ان ليفربول بجماهيره تحديدا هما اكتر ناس هتدي صلاح التقدير اللي يستاهله ومعاهم كلوب وادارة النادي باللي عملوه الحقيقة.. ولكل مجتهد نصيب يابني وربنا فعلا بيعوض تعبك ومسيرتك الاستثنائية دي بتقدير استثنائي نجوم عالمية كتير موصلتلوش اصلا
👏🏻👏🏻👏🏻❤️
👏🏻👏🏻👏🏻❤️
جاري تحميل الاقتراحات...