لاهي شبعت مني ولا أني شبعت منها ..استشهدت بعد ٩ أيام من زواجنا
الأستاذ جلال برهان البياتي زوج الشهيدة لمعية_
القره لوسي عروس مندلي " يروي تفاصيل قصة أستشهاد زوجتهُ في سنة ١٩٨٣، في اول ظهور له مع الاعلامي الشاب ساري حسام يقول :" جنت ساكن بمندلي بمنطقة حي البكر ، لميعة جانت جيراني
الأستاذ جلال برهان البياتي زوج الشهيدة لمعية_
القره لوسي عروس مندلي " يروي تفاصيل قصة أستشهاد زوجتهُ في سنة ١٩٨٣، في اول ظهور له مع الاعلامي الشاب ساري حسام يقول :" جنت ساكن بمندلي بمنطقة حي البكر ، لميعة جانت جيراني
حبيتها وحبتني وصارت القسمة، خطبتها و تزوجنا سوينا العرس بالبيت وبعدها رحنا لبغداد يومين ورجعنا يم اهلي بمندلي واني عفتها ألتحقت لان چنت جندي بالشمال دوامي و چانت أيام الحرب بين العراق وايران.
بعد ٩ ايام من العرس صار الحادث ووگع صاروخ عليهم جراء القصف الايراني هي واخوها عدنان
بعد ٩ ايام من العرس صار الحادث ووگع صاروخ عليهم جراء القصف الايراني هي واخوها عدنان
نفلق وبتر اطرافها وأستشهد أخوها و هي دخلت للمستشفى ، بهذا الوقت چنت أني بالدوام بلغوني اهلك اتصلوا عليك روح شوفهم ماگالولي شنو صاير نزلت لمندلي وصلت البيت شفت مندلي مهجورة والناس طالعة منها لان قصف شديد چان عليها وساقطة عسكرياً ، بقيت للصبح بالحوش بايت ؛ الصبح سولفلي شايب من
المنطقة القصة وگلي زوجتك حولوها لبعقوبة رحت لگيت محوليها من بعقوبة للجملة العصبية ببغداد شفتها اربع أطرافها مقطوعة وبحالة أغماء چانت، وعدها ضربة بالرأس بسبب شضية كاسرة عظم وسولها عملية بعد ٣ ايام حولوها عالجراحية بالعطيفية ظلت تحت علاج الأوكسجين مال حرق الاطراف
أتذكر من صحت وشافت أيديها ماگو گلتلي جلال شلون بعد راح أخدمك كلتلها اني ايدج هي بقت ١٥ يوم عايشة وبهذا الوقت قصتها أخذت صدى اعلامي بوقتها كتبوا عنها هواي بالصحف العراقية عدها صوره منشورة وهي رافعه ايديها الاثنين وهي مقطوعة بعد ايام رحت للمستشفى لگيت امها بالاستعلامات تبچي
گالت البنية ماتت .. أنصدمت وما اعرف شسوي ،اتصلت بعشيرتها و كملنا كلشي وطلعنا للدفنة بالنجف هسه هي قبرها بالنجف موجود وأهلها ببلدوز بديالى بعدهم .
صار لها تمثال ببداية مدخل مندلي وغرفتها وغراضها اخذوها موجودات هسه بنصب الشهيد ...
صار لها تمثال ببداية مدخل مندلي وغرفتها وغراضها اخذوها موجودات هسه بنصب الشهيد ...
جاري تحميل الاقتراحات...