دائما اذا عندك مواقع بـ #العذراء راح تسعى لتحسين مستوى صحتك وتطور حياتك صحيًا لأن الصحة مرتبطة بالعذراء، واذا عندك مواقع بـ #القوس راح تبحث دائمًا عن شيء اكبر وأفضل تجربه وتسعى لشيء جديد يعطيك شعور البدايات، واذا عندك مواقع بـ #الحمل راح تميل دائمًا للبدايات اللي فيها تحديات لك

لكن بتكون المشكلة في الاستمرارية، واذا عندك مواقع بـ #الجوزاء راح تهتم لأكثر من موضوع أو هواية أو تجربة مكان جديد وصداقات لأنك تحب التعلم والتجارب الجديده بشكل مستمر،واذا عندك مواقع بـ #الأسد راح تسعى لظهور شخصيتك ومواهبك للعالم عشان تثبت وجودك وراح يكون دائما عندك هدف الرفاهية

واذا عندك مواقع بـ #الحوت راح تميل لأي شيء يخليك تنسى الواقع خصوصا اذا كان صعب،لذلك تتعرض للإدمان، واذا عندك مواقع بالـ #العقرب راح تراودك فكرة القوى والتسلط على غيرك أو المخاطرة المفاجئة والتغير الجذري،واذا عندك مواقع بـ #الدلو راح تحاول دائمًا التحرر من اي قيود اجتماعية والتصرف

المعتاد، واذا عندك مواقع بـ #السرطان راح يكون صعب عليك تخاطر وتطلع من منطقة الراحة وتغير روتينك، والابتعاد عن البيت راح يكون صعب عليك لأنك تحتاج التواجد في البيت اكثر من غيرك، واذا عندك مواقع في #الجدي راح تميل الى الوحدة أو العمل بمفردك وعدم تقبل تدخل الآخرين ومساعدتهم..

واذا عندك مواقع في #الميزان راح يكون صعب عليك تقرر بنفسك بسهولة وراح تحتاج للآخرين مهما قلت العكس، واذا عندك مواقع في #الثور راح تسعى للأهداف المرتبطة بإمتلاك اشياء ملموسة اكثر - بيت، سيارة… - وبشكل عام راح يكون اقناعك صعب خصوصا في ما يخص تغيير روتين حياتك .