عاوز أقول حاجة من بدري بس خايفه لاحسن يتفهم أني عاوزه الناس تسكت وندفن راسنا في الرملة.
حكي قصص التحرش والاغتصاب بالتفصيل مش مكانه على السوشيال ميديا قدام الشارع كله لعدة أسباب في رأيي قد تحتمل الصواب أو الخطأ:
حكي قصص التحرش والاغتصاب بالتفصيل مش مكانه على السوشيال ميديا قدام الشارع كله لعدة أسباب في رأيي قد تحتمل الصواب أو الخطأ:
١.التعرض لصدمة نفسية ممتدة ومعدية، خصوصاً لما بنت تانية تكون اتعرضت لصدمة مشابهة وتفضل يومين تلاتة بتتعرض لكل الكم ده من حكاوي بتدوس لها على ذكريات مؤلمة وتخلي الصدمة مركبة ومعقدة أكتر. فتفضل تفكر في كل القصص دي مش قصصها لوحدها.
٢. إغراق المجتمع في القصص فيتعود عليها، وبعد شوية الناس تزهق وتعتبر ده عادي، فلو مش هيتم استخدام الزخم ده بشكل إيجابي لعمل تحرك قانوني فعلي على الأرض، يؤسفني أقول أن فيه هجمة مجتمعية مرتدة هتبقى أقوى بتؤيد الاعتداء.
٣. المساعدة المتخصصة تختلف جداً عن جلسات تبادل القصص المؤلمة، زي الفرق بين جرح بمشرط جراحي في أوضة عمليات مجهزة والجرح بمطواة مصدية في الشارع، فيه جرح من أجل التنظيف والعلاج وفيه جرح مسمم وقاتل، فمش كل الحكي بيساعد الضحية.
٤. فتح القصص بيعرض الضحايا للهجوم والشتيمة والتنمر والمزيد من التحرش، لو ماكانتش البنت واقفة على رجلها كفاية مش هتستحمل المواجهة دي، علشان كدة علاجيا مش بنشجع البنت اللي اتعرضت للأذى أنها تواجه المعتدي غير لما تكون صلبت طولها ومعاها أدوات تساعدها كفاية في حياتها
٥.المشكلة مش بس الأفكار المشوهة بتاعت المعتدين، لكن أفكار الضحايا المشوهة عن أنفسهم، أغلب الضحايا مقتنعين أنهم هما السبب ويستحقوا ده، والفكرة دي أكثر أماناً واحتمالا بالنسبة لهم، لأنهم بيفضلوا طول حياتهم يقولوا لو كنت عملت كذا أو كذا ما كانش حد اعتدى عليا
لكن أول ما بيكتشفوا الحقيقة أنهم مش مسئولين وأنهم يستحقوا يتعاملوا باحترام، بيتخضوا.. لأنهم ساعتها محتاجين يواجهوا مصيرهم والمجتمع ويتحدوا اللي حصل علشان يقفوا من تاني، وبيتخضوا لأن مفيش ضمان نهائي أنها ماتتعرضش لده تاني، فكل الحجج بتاعت أنها لو تلبس كذا ولو ماتعملش كذا
مش هتحصنها ضد التحرش، لأن المسئولية فعلاً مش في إيديها.
فالصح أن كل البنات تتكلم في جهة قانونية هتاخدي بيها حقك، و في مجال علاجي علشان تتعافي من اللي حصلك، لكن الكلام هنا مؤذي أكتر بكتير من فوايده. وده مجرد رأي شخصي.
فالصح أن كل البنات تتكلم في جهة قانونية هتاخدي بيها حقك، و في مجال علاجي علشان تتعافي من اللي حصلك، لكن الكلام هنا مؤذي أكتر بكتير من فوايده. وده مجرد رأي شخصي.
جاري تحميل الاقتراحات...