تبي تشتري كريبتو بس ما تبي تعرض نفسك وهويتك للخطر؟ او ما تثق بالمنصات والاعيبهم؟ الامر بسيط جداً فيه موقع يقدم الخدمه هذي صح الموقع مركزي ولكن معطيك كامل مجهوليتك وخصوصيتك وامانك يعني ما بيعرف من انت وازيدك من الشعر بيت؟ يضمن وصول المبلغ للطرفين سواء الشاري او البايع..
الموقع ببساطه يعطيك خيارات كثير للدفع واهمها الـGIFT CARDS ولكن مش اي قيفت كارد القيفت كارد هذي من فيزا او ماستر كارد نفسهم يعني تشحنها ببطاقتك دولارات طبيعيه وتستخدمها بشكل طبيعي كانه احد حولك مبلغ ولكن بمجهوليه تامه باختصار كان احد عطاك كاش واودعته بحسابك..
يعني هنا انت ضمنت مجهوليتك وضمنت حقك وبامان ومن اي مكان بالعالم تقدر تستخدم الخدمه محد يقدر يمنعك منها انت كل اللي تبيه المجهوليه والخصوصيه والامان والضمان ولكن فيه عيب واحد وهو ارتفاع رسوم العمليه يعني اللي بيستخدم هذي الخدمه يعتبر اخذ شي فاخر جداً لذلك سعر الصرف فيه عالي..
طيب بعد كل هذا وش نسوي؟ كيف نستخدم فلوسنا او الكريبتو اللي اخذناه؟ اولاً تفتح لك محفظه خاصه بارده عن طريق انك تجيب لك اي USB بس يفضل يكون جديد عشان ما يكون فيه مشكله ولا شي وشخصياً لو بسوي شي مثل كذا راح اجيب ثنين Usb واحد اساسي وواحد احتياط احطه بالدرج ولا اي مكان امن..
بعد ما تسوي المحفظه وطريقه صناعتها موجوده باليوتيوب بحطها تحت، تحول مبلغك عليها وثم اذا تبي تشتري فيها عمله ثانيه لنفترض ان معك #USDC وتبي تشتري بيتكوين من غير المنطقي اني اقولك حولها على بايننس! لا طبعا ولا تحولها على اي منصه مركزيه اصلا في هذي الحاله يجي دور..
اقوى منصه لا مركزيه بالساحه حاليا وهي #RUNE #Thorchain تقدر من خلالها تربط محفظتك وتشتري بعملتك اي عمله موجوده في المنصه بكامل مجهوليتك وخصوصيتك والامان والضمان وبعدها خلاص تصير شريت بيتكوين بكامل مجهوليتك وامانك وخصوصيتك وبضمان حقك.. وش تبي اكثر؟
بالنسبه للموقع حق الشراء اسمه paxful وهذي صوره لبعض القيفت كاردز المشهوره عندهم وفيه فوق 130 خيار من هالنوع من طرق الدفع هذا غير الكاش وجه لوجه والطرق الثانيه بس فيها مخاطره وشخصيا اشوف هذا افضل خيار عندهم ومليان بطايق وانواع وافضلها هي بطايق فيزا نفسهم او ماستر كارد نفسهم
وبالنسبه لطريقه فتح المحفظه تقدر تكتب باليوتيوب How to build a crypto cold wallet in a usb stick بيخليك تشفرها وبيعطيك خيارات لبعض البرامج الجاهزه عشان تنصبها بالفلاش لكن اذا تبي تتعمق وتاخذ اعلى نسبه امان وهي انك تبني برنامج كامل وخاص لمحفظتك وتسوي النظام كامل وتنصبه بالفلاش..
لكن عندي ملاحظه بسيطه بس وهي انك اذا جيت تسوي كل هذا لازم تسويه في talisos عشان كمبيوترك ما يحفظ اي بيانات عن محفظتك ابدا ويفضل انك تحمل tailsos داخل فلاش ثاني وتسوي بوت منه مش تحمل في virtual box وتشغله! لان فيه خطوره كذا وخله دايم مقفل الانترنت الا اذا بتسوي عمليه وبعدها قفله..
هذا رد على اي شخص يقول انك ما تقدر تشتري كريبتو بدون الكشف عن الهويه او اي معلومه قد تدل عليك بل حتى الـIP حقك تقدر تخفيه وقت دخولك لموقع paxful بكذا ولا ابن امه اللي يدري عن معلومه وحده قد تدل عليك عموماً اتمنى استفدتوا 🙏
جاري تحميل الاقتراحات...