ترى غير مطلوب منك تجهد نفسك في التغيير، وانك تصير احسن في كذا وكذا وكذا وكأنك في سباق ماراثون مع نفسك، ولدرجة يصير في جلد ذاتي يوم ما تنجز في يومك.. سيل من راسك كلمة اللازم من دماغك وحط بدالها انوي النية فيها خفة اكثر من اللازم اللي تحطك في سجن وتقيّدك ولمن ما تنجز تجلد ذاتك !

كل مرة يكون فيها لازم انت بتسوي جهد في غير محله!
ترى مو لازم اخلص الكتاب في يومين عشان اقرأ الثاني واخلص ٣٠ كتاب خلال شهر، ولا لاززم اسوي تنظيفات بشكل غير واعي وتعامل نفسك كأنك غسالة كهربائية !لااااازم دي بتكون بالنسبة لك بوووم وقت يجي يوم عليك وما تنجز في شيء،

تشعر انك كل مرة تقدم على حاجة ما تنجزها لدرجة انك تبطل تبدأ في اي شيء شديد.
الحل تقبل نفسك بإيجابياتك وسلبياتك وتدرج في مرحلتك مع نية واستشعرها تلاقي كل شيء تجلى في حياتك وبيصير احسن، اللي ضحك عليك وقلك في يوم وليلة تسوي التكنيك الفلاني وتكون شخص آخر جاي من كوكب، ترى انت مو آلي

انسان والانسان مصيره يحزن يتعب يمل يطفش يضحك ويبسط يجلس يروّق يخترع انت حُر فلا تقيّد نفسك وتحطها في سجون دايماً احنا نختار نحط نفسنا في سجن وننتظر احد يفتح لنا باب السجن والمفتاح معانا !، تدرج في كل شيء التدرج من اهم قوانين الحياة و تذكر ما حتاخذ كأس العالم في الوعي اذا استعجلت

انت انسان 🙏🏼💙.