خلوا بالكم
اخويا الكبير عايش فى اسوان وكان هو وزوجته وبنته عندنا فى القاهرة وركبوا القطار امبارح بالليل راجعين اسوان
قطار الدرجة الاولى الاسبانى الجديد وكان معاهم شنط وحاجات مشتريينها حطوها فى عربية العفش بالقطار وخلوا معاهم ايس بوكس
يتبع

وهم راكبين جه الكمسرى شاف التذاكر وشاف الايس بوكس قالهم دى ممنوعة ولازم تدفعوا غرمة 420 جنيه
اخويا رفض وقاله مش ممنوعة وانها كانت معاهم وهم جايين من اسوان للقاهرة وماحدش اعترض عليها زائد انهم دخلوا بيها المحطة وركبوا بها القطار وماحدش اعترض

الكمسرى جاب امين شرطة والمشرف على القطار وصمموا ياخدوا منهم الفلوس وفجأة الكمسرى اخد اخويا على جنب وقالله هات 70 جنيه ومش هنعمل حاجة
اخويا شك اكتر فى الموضوع ورفض قالوله هات بطاقتك والتذاكر قالهم اتفضلوا وورونى هتعملوا ايه وفى الوقت نفسه اتصل بأبنه المهندس صحاه من النوم

كانت الساعة 5.30 صباحا وطلب منه يدخل على موقع عيئة السكك الحديدية ويشوف الممنوعات
ابنهم فعلا دخل لقى ان الممنوعات مكتوبة مافيهاش ايس بوكس
اخويا قالهم احنا دخلنا على النت والايس بوكس مش ممنوع طبعا لما سمعوا كلمة النت ولقيوا مرات اخويا بتحاول تصورهم وتسجل كلامهم بعدوا

وبعد شوبة جه الكمسرى ورجع لأخويا البطاقة والتذاكر وقالله معلش ده المفتش كان على القطار وكان ممكن يعمل مشكلة بس خلاص نزل وانتهى الموضوع
طبعا انا لمت اخويا ازاى مابلغش عنهم لمانزل
عموما لازم الناس تحذر النصب ده اللى اكيد بيعملوه كتير على الناس
وياريت المهندس كامل الوزير يوصله ده