الإجازات المرضية
الكثير من المؤسسات الحكومية والخاصة تعاني بشكل كبير من بعض الموظفين إلي كل يوم أو يومين جايبين اجازة مرضية.
بكلمكم اليوم عن اداة ابتكرتها جامعة برادفورد في بريطانيا وهدف هذي الأداة تحديد تأثير تغيب الموظف على العمل.

يعتقد الباحثين ان اجازاة يوم واحد مفاجئة ومتكررة لها تأثير أكبر من اجازة يومين او ٥ أيام مخطط لها مسبقا.
سميوا هذي الأداة برادفور فاكتور Bradford Factor
ويحسب بهذي الطريقة
S2xD
يعني مجموع عدد المرات الي تغيب فيها الموظف تربيع (مضروب في نفسه) مضروب في مجموع عدد أيام التغيب

وهذا يحسب للسنة الواحدة
لو فرضنا موظف تغيب ١٠ مرات ف السنة وكل مرة يوم واحد فقط يصير مقياسه ف التغيب هو
10x10x10 =1000
بينما لو موظف تغيب مرة وحدة فقط ١٠ ايام متواصلة يصير مقياسه
1x1x10=10
مع انه نفس عدد الأيام بس تأثير غياب الموظف الأول كبير على العمل من الموظف الثاني

هذي الأداة يستخدمها فريق شؤون الموظفين لتحديد متى يبدأوا يتكلموا مع الموظف في حالة زيادة تغيباته قبل ما تصبح هذي عادة بالنسبة له أو يمكن هذا الموظف يعاني من مشكلة صحية ويحتاج مساعدة، وفي جدول مخصص لكل حالة.
هل تنصحوا بتطبيق هذا النظام أو تجربته؟؟
#صباح_الخير