رتبها

بمناسبة ان الاسئلة بتيجي كتير في حوار سفر الدكاترة لالمانيا وايه مطلوب هكتب ثريد هنا باللي اعرفه يمكن ينفع حد حابب ياخد خطوة السفر هناك:

- اول حاجة ليه المانيا؟
ببساطة خالص عشان المنافسة فيها اقل من اماكن كتير زي بريطانيا وامريكا وطريقها اسرع واسهل واضمن وفي نفس الوقت دولة ليها وزنها في المجال الطبي وكواليتي العيشة وكل دا هناك مفتكرش محتاجين نوضح قد ايه كويس ومُرضي جدا لمعظمنا اكيد.

- ايه المطلوب؟
١- تتعلم لغة الماني اللي هي عبارة عن ست مستويات A1,A2,B1,B2,C1,C2
اللي بتحتاجه بس تخلص اول اربعة ال C محدش بيطلبه.
- تتعلم منين؟
شخصيا انصح بفكرة ان اول مستوى تاخده مع حد سواء اونلاين او في سنتر عالاقل يحطك عالطريق وبعد كدا دوس لوحدك لو هتلتزم عادي..

-ايه المصادر؟
دول احسن تلات قنوات في نظري ممكن تتعلم منهم شوف اللي يريحك ودوس:
فراو هند
youtube.com
Germantoon
youtube.com
هير شحاتة -دا خد منه جرامر بس هتلاقي صعوبة انك تتابع منه شرح كتاب-
youtube.com

youtube.com/c/MohammadSheh…

Shehata Deutsch الالمانية مع مستر شحاته

لقد أنشأنا هذه القناة لك يا عزيزي حتى تتمكن من تعلم اللغة الألمانية وإتقانها بسهولة وفي منزلك هل تجد...

youtube.com/c/FrauHend

youtube.com/channel/UC9Jls…

Learn German online Germantoon

Germantoon is an educational service that targets German learners around the world to let them expan...

-ايه الكتب؟
غالبا الكل بيذاكر من كتب منشن، ودول تقدر تجيبهم من اي مكتبة او تنزلهم من الجروب دا pdf وتطبعهم
t.me
دا شرح سريع بالنسبة للغة واي حاجة تانية هتفهمها مع الوقت لما تمشي شوية فيها.

t.me/germanbooks1

German Books

*معظم الكتب الألمانية الموجودة في مصر وألمانيا لمزيد من المعلومات يرجي التواصل معنا: +2 01203603638...

٢- حساب بنكي مغلق بتحطه في المانيا كضمان انك هتقدر تشيل نفسك لحد ما تلاقي وظيفة ومش هتبقى عالة عليهم. احنا كدكاترة عشان فرص حصولنا على وظيفة كتيرة شوية اوقات بيوافقوا يبقى حساب لمدة ست شهور ولو انه صعب حبتين فالفترة الاخيرة. انما العادي بيطلبوا لمدة سنة تحط مبلغ ١١٢٠٠ يورو..

بينزلك منه اول كل شهر مبلغ معين هما شايفينه يكفي احتياجاتك من مسكن واكل وغيره.
ولو ليك حد هناك مقيم وبيشتغل ممكن يضمنك وترتاح من قصة الحساب البنكي دي كلها.
٣- الورق؟
بتطلع من الكلية ست حاجات
- شهادة تخرج
- بيان درجات
- شهادة كرتون
- شهادة امتياز
- ورقة بعدد الساعات
- محتوى علمي

ومن الاحوال المدنية ورقتين
- شهادة ميلاد
- فيش وتشبيه "صلاحيته بتبقى تلات شهور بس"
ومن النقابة ورقتين
- حسن سير وسلوك "صلاحيتها بتبقى تلات شهور بس بردو"
- ترخيص مزاولة
الكلام دا كله بتقوم مجمعه في فايل ومصدقه خارجية وتبعته لمترجم يكتبه بالالماني في تلات او اربع ايام تقريبا..

بعدها تجيب الورق دا وتحجز عن طريق مكتب اسمه TLS موعد تصديق ورق وتروح تقدمه وتدفع المصاريف حوالي 640 للورقة وبتقدم ساعتها حوالي تمان اوراق مثلا من العشرة اللي قولناهم فوق.
بعد اسبوعين بيوصلوا متوثقين وتحجز موعد تاني توثق طبق اصل بيبقى حوالي 460 الورقة وبردو بعد اسبوعين يوصلوا..

وبياخدوا معاه صورة طبق اصل من جواز السفر يصدقوها بحوالي 1000 جنيه.
يعني قول مثلا الترجمة والتصديق حوالي 15 الف جنيه مصري.
- وبعدين؟
بتبعت ورقك للولاية اللي حاببها وبيردوا ردين.
١- اينغانغ: يقولوا لك فيه ورقك كامل وجاهز للتعديل او فيه نواقص وانت تكملها..

٢- بيشايد: وهو الموافقة الاخيرة لدخول الولاية
“ كل دا غالبا بياخد من ٣-٦ شهور”
بعدها بتقدم بالبيشايد والورق اللي صدقته وكل دا في موعد فالسفارة الالمانية على فيزا 16d وبيعملوا مقابلة خفيفة وبعد حوالي ٣ شهور بتاخد الفيزا اخيرا.

- امتحانات المانيا بعد وصولك؟
١- الفاخ (مزاولة مهنة مؤقت): بتاخد ليه ترخيص لمدة سنتين بس وعدد محاولاته لا محدودة وبيشوف لغتك الالمانية مع المريض مع بيركز على معلوماتك اكتر وبيفتحلك بعدها التخصصات اللي فيها وفرة عندهم زي النيورو والنفسية والتخدير..

٢- الابروباتسيون (ترخيص مزاولة دائم): بتمتحنه في اي فترة خلال السنتين وبتدرس فيها مواد زي الباطنة والجراحة والفارما وغيرها وبيبقى امتحان معلومات مش تعامل ومريض وغيره وبعدها بيفتحلك كل التخصصات.
- المرتب؟
غالبا بتبدأ ب ٢٥٠٠ يورو صافي بيزيدوا مع الوقت والنباطشيات اللي بتشيلها..

- تكلفة الحياة هناك؟
لو لوحدك اغلى حاجة هتقابلك السكن يعني استوديو ممكن يكلفك من 500-600 يورو. والباقي كله من اكل وشرب وفسح ومواصلات مش هيجيب 400 يورو يعني ممكن نقول من 800-1000 يورو يعيشوك كويس جدا هناك لوحدك.

- روابط وجروبات تساعدك؟
facebook.com
facebook.com
facebook.com
مقال عظيم شارح الولايات وكله بس ابدؤوا بشرح المصطلحات اللي فالاخر عشان تفهموا الكلام المكتوب.
brildox.com

facebook.com/groups/brildox…

Brildox | Facebook

‎منصة Brildox الإلكترونية هي منصة متخصصة بتقديم المعلومات حول التخصص والعمل الطبي والحياة في ألمانيا...

facebook.com/groups/3774085…

facebook.com/groups/1028174…

brildox.com/ar/index-state…

دليل التعديل للأطباء في الولايات الألمانية المختلفة

شرح مفصل عن ظروف وشروط التعديل الحالية للأطباء فيما يتعلق بالتأشيرات وشهادة الطب وشهادة التخصص في كل...

واخيرا اتمنى اكون قدرت افيد ولو شخص واحد حابب ياخد الخطوة واكون جمعت معظم الاسئلة اللي بتجيلي بقالها فترة، وحابب اقول ان الموضوع في الاول شكله صعب بس فعلا مع الوقت هتلاقيه ممتع وهتتعود عليه بس انت كمّل للاخر، وبالتوفيق للجميع وان شاء الله نتقابل كلنا هناك ♥️.