وقت الغسل وأنا بغسل الميته بقف استرها وأقول للأخوات غطي فلانه خدي بالك..براحة ع أختك ..شوية خديها ف حضنك حني عليها
لحد ما بتيجي اللقطة بتاعت إني اضفرلها شعرها والبسها الإيشارب الصغير وبعدين القطعة اللي فوق اللي زي الخمار وبعدين الطرحة الكبيرة والفهالها 👇👇
#لماذا_يجب_خلع_الحجاب

كإنه حجاب كامل
اللقطة دي بتيجى بيبقي شكلها رهيب وأنا بهيئها واحس إني بقدمها لربها بكامل سترها وحجابها..وسبحان الله بيبقى وشوشهم كالبدر❤️ وكأنما ارتاحت والله من تعب وصخب الدنيا
ومع إني كل الوقت بكره حتة ترهيب الناس ف الحجاب وربطه بالنار والعذاب وإيه المشكلة لما نلبسه بمزاجنا👇👇

وبالترغيب ونلبسه صح
لكن لما لقيت سبحان الله وانتى ميتة هتلبسيه غصب عنك
هيجي اللي يلبسهولك زي ما ربنا يريد
هتلبسيه وبالطريقة ال ربنا كاتبها ليك ولا شعره طالعة ولا ربع كم مبين درعاتك ولا رجل ببنطلون قصير عشان خلخال يبان ولا هتقدرى تقلعيه اليوم ده زى مابتقلعيه يوم فرحك وفي المصيف👇

دلوقتي بناخد أجر العبادة في لبسه وبعدين هنلبسه من غير أجر
وبعد كل ده بتتغطي برضه كاملة ومش بيلمسك إلا محارمك فقط عشان ينزلوك تتحطي ف التراب وتبتدي الحياة الأبدية
الموقف مهيب وتقادير الله ف ستر عباده جليلة يبقي ياجميلة نلبسه دلوقت وناخد أجر ولاننتظر ونلبسه بردوا من غير أجر
منقول