شو يعني ال Terre وال differentiel بالكهرباء ؟ ثريد طويل شوي للمهتمين
الكهرباء بتمشي فقط اذا في فرق فولتاج. الانسان عطول متصل بالأرض، فالأرض لإلنا هيي فولتاج صفر منعتبره. وبالعادة البارد neutre تبع الكهرباء بيكون موصول عالأرض كمان، تا يصير كمان فولتاج صفر. هيك اذا لمسنا البارد👇
الكهرباء بتمشي فقط اذا في فرق فولتاج. الانسان عطول متصل بالأرض، فالأرض لإلنا هيي فولتاج صفر منعتبره. وبالعادة البارد neutre تبع الكهرباء بيكون موصول عالأرض كمان، تا يصير كمان فولتاج صفر. هيك اذا لمسنا البارد👇
ما بيصير شي. المشكل اذا لمسنا الحامي phase مباشرة أو غير مباشرة (منقول بالدارج صار ماس بالمكنة، يعني الحامي لمس ال masse يعني الغلاف تبع المكنة). اذا صار ماس، فولتاج الغلاف صار ٢٢٠، وجينا نحنا لمسنا الغلاف: الكهرباء بتمشي من الحامي للغلاف للإنسان للأرض وبترجع عالمصدر ومنكهرب👇
الحماية الأولى بتكون بإنو نركّب Terre للبيت. يعني منوصل غلاف المكنة عالأرض بكابل نحاس (الأرض بهالحالة كابل نحاس مطمور تحت الأرض). طبعا" كابل ال terre لازم يكون واصل عا كل المكنات والبرايز (كابل أصفر وأخضر) بالبيت (أصلا" لازم يكون بريز شرعي في terre و فيشة المكنة إلها terre) 👇
ساعتها اذا صار ماس، الكهرباء بتفضّل تقطع بكابل النحاس ومش بالإنسان.
بس ما في شي رح يقلّنا إنو صار ماس بدّه تصليح.
(وال terre منستعملها كمان لتفضاية تيار الزواعق بدون أضرار)
هون بيجي دور الحماية التانية اللي هيي ال differentiel اللي هوي قطعة متل الديجونتار بيركب بالتابلو 👇
بس ما في شي رح يقلّنا إنو صار ماس بدّه تصليح.
(وال terre منستعملها كمان لتفضاية تيار الزواعق بدون أضرار)
هون بيجي دور الحماية التانية اللي هيي ال differentiel اللي هوي قطعة متل الديجونتار بيركب بالتابلو 👇
بيقطع فيه الحامي والبارد، وبيقيس الفرق بالتيار بين الاثنين (كرمال هيك إسمه differentiel يعني بيقيس ال difference). بالوضع العادي، الفرق صفر. بس اذا صار ماس، الdifferentiel رح يقيس التيار اللي رايح عالأرض (إن كان من خلال كابل terre أو من خلال إنسان، أو قسطر مياه أو أو) 👇
اذا التيار أكبر من حساسية ال differentiel، بيقطع الكهرباء دغري (بيتكّ). الحمايات التالية موجودة، ومستوى الحماية كالتالي:
10mA: أقصى حماية، ضد التكهرب. فقط للبيسين
30mA: . حماية ضد الموت. إلزامي عالبرايز وكل شي بالحمامات
300mA: حماية ضد الحرائق
غير مستويات موجودة حسب البلدان 👇
10mA: أقصى حماية، ضد التكهرب. فقط للبيسين
30mA: . حماية ضد الموت. إلزامي عالبرايز وكل شي بالحمامات
300mA: حماية ضد الحرائق
غير مستويات موجودة حسب البلدان 👇
تنبيه إنو ال differentiel ما بيحلّ محل ال disjoncteur، إلا إذا جبناه 2ب1 يعني عنده الخاصيتين بنفس الوقت.
اختيار وتركيب ال differentiel لازم يتم من قبل كهربجي مختص، بالعادة بتعوز أكثر من واحد بالبيت. انتبه إنو الdifferentiel ممكن يتك بحال الصواعق اذا ما في حماية مظبوط 👇
اختيار وتركيب ال differentiel لازم يتم من قبل كهربجي مختص، بالعادة بتعوز أكثر من واحد بالبيت. انتبه إنو الdifferentiel ممكن يتك بحال الصواعق اذا ما في حماية مظبوط 👇
السؤال الشائع إذا ال differentiel بيفيد بغياب terre. الجواب هوي نعم أكيد، بس ساعتها منفضّل نروح عحساسية أدنى (يعني 30mA مش أكثر)، لأن رح يتك فقط إذا قطع كهرباء بإنسان وواجب حمايته من الموت
انشالله تكون وصلت الفكرة وأنا جاهز لأي استفسار
انشالله تكون وصلت الفكرة وأنا جاهز لأي استفسار
ملاحظة: ال differentiel دايما" عليه فقسة فحص test ولازم ينفحص من وقت للتاني (كل كم شهر). اذا نجح الفحص بيتك ال differentiel دغري. اذا ما تك، أو عمل شورت short circuit وتك الديجونتار اللي حاميه، ساعتها بيكون بده غيار
جاري تحميل الاقتراحات...