أبويا!
النهاردة يوم أجازة… اليوم اللي بحاول فيه على قد ما أقدر أعوض قعدتي في المكتب (شغال من البيت) ١٠ ساعات، فقررت أنضف الجنينة عشان مأجلها بقالي كتير وبدأت تتحول لغابة صغيرة.
ثريد 👇🏾
النهاردة يوم أجازة… اليوم اللي بحاول فيه على قد ما أقدر أعوض قعدتي في المكتب (شغال من البيت) ١٠ ساعات، فقررت أنضف الجنينة عشان مأجلها بقالي كتير وبدأت تتحول لغابة صغيرة.
ثريد 👇🏾
زي أي مصري أصيل، طول عمر أبويا بيتطحن حرفيًا من الساعة ٥ الصبح لغاية الساعة ١٠ بالليل… كل يوم ما عدا الجمعة لمدة قربت من ال٣٠ سنة.
يصحى ٥ عشان يلحق أتوبيس الشركة ولما يخلص، يروح الشغل التاني لغاية بالليل.
حتى لما طلع معاش، كمل في شغله التاني، حوالي ١٠ سنين فوق ال٣٠.
(1) 👇🏾
يصحى ٥ عشان يلحق أتوبيس الشركة ولما يخلص، يروح الشغل التاني لغاية بالليل.
حتى لما طلع معاش، كمل في شغله التاني، حوالي ١٠ سنين فوق ال٣٠.
(1) 👇🏾
للأسف مكانش بيجمعنا غير يوم الجمعة، وهو كان بيحاول يعوض كل الأسبوع في يوم واحد.
(2) 👇🏾
(2) 👇🏾
الله يمسيه بالخير ويشفيه، كان بيشغل البيت كله 😅 من أول ما بيصحى عشان الصلاة، ويعملنا شاي بلبن، لغاية ما يعمل الفطار وبعدين نبدأ أنا وهو نصلح كل حاجة في البيت، خلاط، حنفية، حوض، سخان، نبني حاجة في المطلق كده.
(3) 👇🏾
(3) 👇🏾
🤣 لما كبرت شوية كده كنت أقوله ليه يا عم الحاج نبني الحيطة ونبوظ الدنيا، لما ممكن تجيب واحد يعملها وهتبقى أرخص عشان كده كده هنجيب حد يصلح السريالية دي؟!
(4) 👇🏾
(4) 👇🏾
يقولي: هو يوم اللي أنا قاعده، خلينا نبدأ بس.
وأنا في الوقت ده (كان عندي ١٥-٢٠ سنة)… وصلت أني أكره يوم الجمعة بسبب كل الدوشة دي.
مع أنه عمره ما حسسنا أننا عبء أو انه بيعمل ده تفضل منه، لكن الواحد في السن ده مبيبقاش فاهم.
(5) 👇🏾
وأنا في الوقت ده (كان عندي ١٥-٢٠ سنة)… وصلت أني أكره يوم الجمعة بسبب كل الدوشة دي.
مع أنه عمره ما حسسنا أننا عبء أو انه بيعمل ده تفضل منه، لكن الواحد في السن ده مبيبقاش فاهم.
(5) 👇🏾
ومع كل سنة أعيشها وأكبر شوية، أفهم جملته "هو يوم اللي أنا قاعده، خلينا نبدأ بس." وبقيت أحب أشتغل أنا وهو في البيت.
هو يوم واحد بعد أسبوع مسحول في وظيفتين بيقعد بسببهم ١٥-٢٠ ساعة برة البيت… أيوه أبويا عمره ما نام أكتر من ٣-٤ ساعات إلا يوم الجمعة.
(6) 👇🏾
هو يوم واحد بعد أسبوع مسحول في وظيفتين بيقعد بسببهم ١٥-٢٠ ساعة برة البيت… أيوه أبويا عمره ما نام أكتر من ٣-٤ ساعات إلا يوم الجمعة.
(6) 👇🏾
وكان عايز في اليوم ده يعوض كل اللي فاته، من أبوة ووجود في البيت، والحقيقة كان بيعمل ده كويس جدًا.
(7) 👇🏾
(7) 👇🏾
ولما كبرت وبقى عندي بيت وولاد ولازم اشتغل واتعب بجد عشان أقدر أوفر كل اللي عايزينه، لقيت نفسي اتحولت لأبويا من غير ما أحس، وعيشت جملته، وإزاي اليوم اللي الراجل واخده أجازة، لازم يجتهد عشان يخدم عيلته بطريقة تانية، ويحسسهم بوجوده ودوره كأب ورب أسرة.
(8) 👇🏾
(8) 👇🏾
اللي بنعمله في بيوتنا (أب أو أم) مش تفضل مننا، ده واجب ولازم نعمله وإحنا راضيين ومبسوطين، من غير ما نحسس اللي حوالينا أنهم او اللي بنعمله "حِمل وعبء" لكن دور وواجب.
(9) 👇🏾
(9) 👇🏾
زي ما أنا مسحول في تنضيف الجنينية كده النهاردة بنفس راضية… ياكش يعجب 🤣
(10)أنتهى السرد... وهرجع أكمل شغل، عشان مراتي بدأت تسألني بتكلم مين كل ده؟
(10)أنتهى السرد... وهرجع أكمل شغل، عشان مراتي بدأت تسألني بتكلم مين كل ده؟
جاري تحميل الاقتراحات...