الأهلي في يناير ٢٠٢٠ تعاقد مع كهربا ولما جه يقيد اللاعب اتحاد الكرة رفض وقال لازم يتم دفع كل المديونيات وفعلا دفع المديونية وقيد اللاعب يوم ٥ يناير. بعدها الزمالك كان عايز يقيد كاسونجو وكان عليه مديونية ومع ذلك اتحاد الكرة سمح للزمالك بقيد كاسونجو في ٢٠ يناير رغم وجود مديونية
مش دي الواقعة الوحيدة. خلال مجلس معين كان فيه ايمن يونس متولي ملف الكرة جه يقيد اللاعبين لقى لسه المديونية موجودة على الزمالك وعمرو الجنايني قال له مش هنعرف نقيد لاعبين فقال له اتصرف وفعلا الجنايني اتصرف وقيد اللاعبين رغم وجود المديونية وده كلام باعتراف ايمن يونس نفسه صوت وصورة
لما تجبرني اسدد مديونياتي وفي نفس الوقت تسمح ان مديونية المنافس توصل ل ٧٨ مليون ويقيد لاعبين فده معناه انك بتدي المنافس افضلية عليا ب ٧٨ مليون كنت ممكن مدفعهمش ويبقوا مجرد رصيد مديونيات واستخدمهم في تعاقدات لاعبين ومدربين . انت بتعاقب الملتزم وبتكافئ اللي بيمتنع عن سداد حقوقك.
معرفة موقف الزمالك من سداد مديونياته وموقف القيد والتراخيص وفقا ليها حق من حقوق الأهلي وكل فريق مصري سدد مديونايته. عشان ميجيش بعد ١٠٠ سنة واحد مضحك وشه مكشوف يطلع يقول اتحاد الكرة كان بيجامل الأهلي
جاري تحميل الاقتراحات...