#حديث_البهي
(١): لا عزاء للطب والأطباء ...
صادفت بوست برائحة الكولا لأحد أدعياء الطب بيبيع لبان دكر ومسميه "كولاجين" وابتدي يهري ويوعد الزباين انك لما تاخد الكولاجين، بيروح على المفاصل، وهتلاقي نفسك بقيت زى الرجل الاخضر، ورميت العكاز، وقمت ترقص.
يتبع
(١): لا عزاء للطب والأطباء ...
صادفت بوست برائحة الكولا لأحد أدعياء الطب بيبيع لبان دكر ومسميه "كولاجين" وابتدي يهري ويوعد الزباين انك لما تاخد الكولاجين، بيروح على المفاصل، وهتلاقي نفسك بقيت زى الرجل الاخضر، ورميت العكاز، وقمت ترقص.
يتبع
تتمة (٢):
اولا ... البعيد مش فاهم ان اللبان الدكر والمستكة دى افرازات لحاء الاشجار (بيسموها دموع الاشجار) وما هي الا صمغ نباتي زي اللى كنا بنستخدمه زمان للصق الورق من شجرة السنط. الاسم العلمي للحاجات دى "راتنجات" لكن لا صله للكولاجين اللهم الا المزلقة!!
يتبع
اولا ... البعيد مش فاهم ان اللبان الدكر والمستكة دى افرازات لحاء الاشجار (بيسموها دموع الاشجار) وما هي الا صمغ نباتي زي اللى كنا بنستخدمه زمان للصق الورق من شجرة السنط. الاسم العلمي للحاجات دى "راتنجات" لكن لا صله للكولاجين اللهم الا المزلقة!!
يتبع
تتمة (٣):
الكولاجين موجود في الكوارع، وهو بروتين جيلاتيني الخصائص وبناكله مع اللحمة الملبسة، بس خلى بالك بعد ما حضرتك تاكل وتشبع، بتطلع من الموضوع، والجسم بيستلم منك الوجبة ويتصرف فيها على النحو التالي:
يتبع
الكولاجين موجود في الكوارع، وهو بروتين جيلاتيني الخصائص وبناكله مع اللحمة الملبسة، بس خلى بالك بعد ما حضرتك تاكل وتشبع، بتطلع من الموضوع، والجسم بيستلم منك الوجبة ويتصرف فيها على النحو التالي:
يتبع
تتمة (٤):
* كل البروتين اللى حضرتك اكلته يتهضم وينتهي بأصغر وحدة بناء في البروتين اسمها الاحماض الأمينية، وعددهم 20 حمض، ومش فارقة بقى، جايين من اكلة كافيار بالفين جنيه، ولا حصيلة اكلة سي فود من ام 2500 جنيه، او من عزومة اكلة لحم غزال، او طبق فول على عربية باربعه جنيه،
يتبع
* كل البروتين اللى حضرتك اكلته يتهضم وينتهي بأصغر وحدة بناء في البروتين اسمها الاحماض الأمينية، وعددهم 20 حمض، ومش فارقة بقى، جايين من اكلة كافيار بالفين جنيه، ولا حصيلة اكلة سي فود من ام 2500 جنيه، او من عزومة اكلة لحم غزال، او طبق فول على عربية باربعه جنيه،
يتبع
تتمة (٥):
كله واحد، زى تدوير المخلفات لما بيسيح الصفيح بتاع علبة الصلصة مع الساعة الرادو، كله في النهاية سبيكة.
يتبع
كله واحد، زى تدوير المخلفات لما بيسيح الصفيح بتاع علبة الصلصة مع الساعة الرادو، كله في النهاية سبيكة.
يتبع
تتمة (٦):
الجسم لا يفهم ولا يتعامل الا مع ناتج الهضم وهو الاحماض الامينية ويتساوى عنده ان كان المصدر وجبة كبده او مخ او قلب او كلاوى او كوارع، لأن البعض فاكر ان وجبه كبده هيستفيد منها الكبد، والكوارع بتروح للمفاصل.
يتبع
الجسم لا يفهم ولا يتعامل الا مع ناتج الهضم وهو الاحماض الامينية ويتساوى عنده ان كان المصدر وجبة كبده او مخ او قلب او كلاوى او كوارع، لأن البعض فاكر ان وجبه كبده هيستفيد منها الكبد، والكوارع بتروح للمفاصل.
يتبع
تتمة (٧):
يسري نفس الشيئ على الكربوهيدرات والنشويات، سواء اكلت كنافة دمشقى بالفستق او تمر المدينة محشى لوز او مهلبية او عيش حاف من المدعوم، كله ينتهي بجلوكوز او الفركتوز او اللاكتوز، لكن لتسهيل الامر كلها قريبة من بعضها في الاستخدام والمصير.
يتبع
يسري نفس الشيئ على الكربوهيدرات والنشويات، سواء اكلت كنافة دمشقى بالفستق او تمر المدينة محشى لوز او مهلبية او عيش حاف من المدعوم، كله ينتهي بجلوكوز او الفركتوز او اللاكتوز، لكن لتسهيل الامر كلها قريبة من بعضها في الاستخدام والمصير.
يتبع
تتمة (٨):
نفس الشيء للدهنيات، سواء زبده لورباك مع الافطار الانتركونتننتال او حته دهن ملبسة في لحمة او زيت زيتون، كله ينتهى بعد الهضم باحماض دهنية.
يتبع
نفس الشيء للدهنيات، سواء زبده لورباك مع الافطار الانتركونتننتال او حته دهن ملبسة في لحمة او زيت زيتون، كله ينتهى بعد الهضم باحماض دهنية.
يتبع
تتمة (٩):
خلى بالك ان هوية الوجبة تنتهي بعد الهضم، فلا يفرق الجسم بعدها بين مصدر الكبدة او الضانى او السي فود ولا شفاعة لسعر الوجبة.
يتبع
خلى بالك ان هوية الوجبة تنتهي بعد الهضم، فلا يفرق الجسم بعدها بين مصدر الكبدة او الضانى او السي فود ولا شفاعة لسعر الوجبة.
يتبع
تتمة (١٠):
الاهم .. لما الجسم يبدأ في توظيف العناصر دى واستخدامها، والله لن يشتري خاطرك ولن يوصي عليك ويقول يا خلايا الوجبة دى كانت في الأصل بيت الكلاوي، خدوها صلحوا بيها الكلية البايظة بتاعته.
د. بهي الدين مرسي
الاهم .. لما الجسم يبدأ في توظيف العناصر دى واستخدامها، والله لن يشتري خاطرك ولن يوصي عليك ويقول يا خلايا الوجبة دى كانت في الأصل بيت الكلاوي، خدوها صلحوا بيها الكلية البايظة بتاعته.
د. بهي الدين مرسي
جاري تحميل الاقتراحات...