تدري انك تقدر تسترجع ضريبة مشترياتك في #اوروبا لاجيت محلات التسوق والمولات وشريت أي شيء راح يحسبون عليك ضريبة مضافة تختلف نسبتها بين دولة وأخرى تدفعها في المحل وتسترجعها في المطار أتكلم هنا بالتحديد عن مشترياتك من ملابس وهدايا وأجهزة تشحنها معك برحلة العودة الشرح بالكامل هنا ⬇️
أي متجر تشتري منه تأكد اذا شفت هالعلامة أو لا بالعادة يكون لونها أزرق ومكتوب عليها بالإنجليزي TaxFree اطلب من الكاشير نموذج إستعادة الضرائب وعب البيانات مرفق معها الفواتير اللي حصلت عليها من نفس المتجر بعض المتاجر تحط حد أدنى للمشتريات مقابل حصولك ع النموذج ويفضل الختم ع الفاتورة
لاجيت المطار أول شيء تسويه تبحث عن مكتب استعادة الضريبة بالعادة يكون مكتوب عليها بالانجليزي Tax Refund او يكون فيه شركة مشغلة على سبيل المثال Global Blue اللي موجودة في كثير من وجهات #اوروبا تعرض عليهم نماذجك والمشتريات ويفضل تكون في شنط مستقلة لان بعضهم يطلب منك تفتح الشنط
بعضهم يصرف لك المبالغ مباشرة والبعض يعطيك نموذج صرف تآخذه وتروح لمكتب ثاني خاص بالمدفوعات يصرف لك المبلغ كاش او ايداع في بطاقتك الائتمانية عاد عقبها اشحن عفشك وكمل اجراءات العودة
للتنبيه بعض الدول ماتعوضك اذا مشترياتك من دولة والعودة من دولة اخرى وبعضهم عندهم مكاتب استعادة ضرائب في المولات والفنادق او على الحدود البرية عاد انت لابد تسأل بالذات لاصارت رحلتك في اكثر من دولة علشان تضمن استعادة المبلغ وترى المبلغ يسوى اذا كانت مشترياتك كثير
جاري تحميل الاقتراحات...