ثريد قصة (منقوله ) كيف تعلمت بطلقة للغة الإنجليزية..
انا طليقة لسان بالانجليزي الحمدلله وبجميع مهارات اللغة ممتازة من تحدث واستماع وكتابة وقراءة، بديت اتعلم اللغة من عمري ١٨ تحديداً اخر سنة في الثانوي لما قررت ادخله بالجامعة، وخلال الصيفية بس يعني وكانت ٣ شهور طورت لغتي
انا طليقة لسان بالانجليزي الحمدلله وبجميع مهارات اللغة ممتازة من تحدث واستماع وكتابة وقراءة، بديت اتعلم اللغة من عمري ١٨ تحديداً اخر سنة في الثانوي لما قررت ادخله بالجامعة، وخلال الصيفية بس يعني وكانت ٣ شهور طورت لغتي
اول شيء بقولكم ان معي بكالوريوس انجليزي امتياز،و دراستي للغة عن قرب واكتسابها عرفت مفاتيح اللغة اللي سويتها بصيفية الثانوي بشكل عفوي مني،وهو اني بدأت في التركيز على مهارتين هي الاستماع والقراءة يعني عشان تتعلم تتكلم بطلاقة لازم تكون مستمع جيد وعشان تكتب زين لازم تكون قارئ جيد
بمعنى اوضح فيه مهارتين داخله لك(تسمع و تقرأ) وفيه مهارتين خارجة منك (تتحدث وتكتب) الثانية ماتقدر تتقنهم اذا ما اتقنت الأولى. فأول شيء تبدأون فيه ايش؟ بالضبط، لكن مع ذلك اثناء تعلمكم للمهارتين الاولى حاولوا تتطبقون اللي يدخل لكم من الاستماع والقراءة يعني المفردات اللي تكسبونها
حاولوا تتعلمون نطقها الصحيح وتتمرسونه وكذلك من ناحية الكتابة. طيب كيف نتقن اللغة؟ بحل واحد فقط هو انك تحيط نفسك باللغة من جميع النوواحي وكلامي ذا مو بس ينطبق عالانجليزية كل اللغات، لازم تسمع وتقرأ وتكتب وتتكلم، كله انجليزي انجليزي، طيب بتجون تقولون ما نفهم اللي نسمعه؟ مو مهم
لكن فيه اشياء تساعد انكم تستمتعون وانتوا تسمعون لغة مو مفهومة او تفهمون شيء بسيط، اول شيء اختاروا مواضيع انتوا شغوفين فيها اللي تحب المكياج تتابع ناس يحطون مكياج يتكلمون انجليزي اللي مهتم بالتغذية كذلك نفس الشيء، رحلة تعلم اللغة طويلة لازم تخلونها ممتعة لكم
طيب احس اني تكلمت بشكل عام اللي سويته يوم كنت مبتدئة: نزلت المكتبة وشريت كتب روايات من شركة اكسفورد (اي ما غيرها حقت القواميس) تسوي قصص قصيرة ومحددين عليها مستوى الانجليزية المناسب يعني تاخذ مستواك (مبتدئ، متوسط)فبالتالي المفردات المستخدمة بتناسب مستواك وبتكون سهلة نوعاً ما
الحلو في كتب اكسفورد انها ممتعة ومنوعة يعني لا بد تلقى قصة تعجبك وتستمتع فيها، وبعضها روايات عالمية تم اختصارها 👍🏻، واذا ما خاب ظني تجي معها سي دي، يعني مافي احسن من انك تقرأ وتسمع بنفس الوقت صح😍مهارتين بنفس الوقت فأنصح فيها وبقوة وحببتني في القراءة باللغة الانجليزية
طيب وانت تقرأ لا بد تصادف مفردات ما تفهمها وبتكون كثيره هل بتترجم كل كلمة ؟ لا ، في سياق النص بتفهم المقصود مو مهم تفهم كل كلمه لكنك بتفهم الزبدة وهذا المهم، لكن لو ترجمت كل كلمة بيكون الوضع ممل والقراءة بطيئة وبتزهق وتقفل الكتاب👍🏻، ممكن بالصفحة تترجم مفردة شدتك وتبي تعرفها
طيب هذي من ناحية القراءة، بقولكم الاستماع نفس الشيء.اللي يحب قصص الجرائم مثلاً يتابع قنوات باليوتيوب يقولون قصص جرائم او برودكاست وهكذا، بيكون الوضع اصعب صحيح لان غالباً بيتكلمون بسرعه بس حاول تجبر نفسك تسمع للاخير عشان الاذن لما تتعود تقدر تفصل الكلام السريع وبتعرف مع الايام
يعني اوضح لكم الحين كمبتدئ لما تسمع كلامهم تسمعه كذا whtchadoing ماتدري كم كلمة ماتدري هي جملة مفيدة ولا، لكن لما اذنك تتعود عليه بتسمعه what are you doing هذا مايعني انت فاهم معنى هالكلمات الثلاث.. بس هذا يعني ان اذنك تعودت فبالتالي تعرف كم كلمة فبالتالي لو احتجت تترجم كلمة
في الاستماع لا بد تكون صبور وممكن تشغل شيء وانت تسوي شيء ثاني حتى لو مو مركز نفس ماقلت في البدايات لازم تخلي اذنك تتعود لا بد، واصبر لان مع الايام بتصير تفهم وتستمتع وبالعكس الا تدور بنفسك ويصير جزء من روتينك
بعدها نجي للكتابة والتحدث وهنا يبغالك ممارسة اكثر، من ناحية التحدث اقولها بدون خجل كنت اكلم نفسي وقلتها بالجامعة السبب اللي خلاني طليقة لسان بالانجليزي هو اني كنت اخترع حوارات واتكلم فيها بالانجليزي واحاول ما اركز وادقق ان لازم كل شيء يكون صح
تدرون ان عدد المفردات اللي كسبتها بهذي الطريقة هائل! وهي المفردات اللي ثبتت في بالي في معظم المرات من اول مره عرفتها، ليش؟ لاني وظفتها على طول في حوار او جملة.. يعني ما عرفت كلمة وحطيت جنبها معناها وقعدت احفظ فيها زي الطرق الاعتيادية والمملة وغير العملية
وهنا انبهكم على نقطة مهمة في اكتساب المفردات وهي ابداً لا تحفظونها بشكل فردي لا بد تحفظونها بجملة وبتستفيدون من عدة نواحي. مثلاً توكم عرفتوا كلمة accident ومعناها حادث، حطوها بجملة او شوفوا عليها امثلة لو لسى ما تقدرون تكونون جمل، She had an accident هذي جملة، احفظوها كذا
اخيراً وليس آخراً، لازم تتخلص من خجلك عشان تتعلما اللغة ولا تخجل انك تغلط بالعكس كل شيء سبق وغلطت فيه صار شيء ثابت في دماغي وماغلطت فيه مجدد لان الاغلاط هي اللي تعلم+ حط في بالك ماراح تتعلم اللغة بشهر شهرين، اللغة بحر بتظل طول عمرك تتعلم فيه فأستمتع بمراحلها
منقول@inFeb1900
منقول@inFeb1900
جاري تحميل الاقتراحات...