احد مخاوفي كانت من المرتفعات، اكثر شيء ساعدني في التخلص منها هو التأملات ، وكنت قبل أنام اتخيّل اني قفزت بالباراشوت ومرة على مرة ثم صار الشعور حماس للتجربة ، فهمت جذر خوفي كان سببه يوم كنت صغير شخص نعرفه من قريب ابوهم كان مقاول
وانزلق من سطح المبنى على الارض وتوفى ..

التصوّر اللي حصل معاي شكله وهو طايح وكيف طاح .. الخ
هو هذا سبب خوفي من اي مرتفعات لدرجة ركبي ترقص وتجيني دوخة ، اكثر شيء ساعدني التأملات للأمانة ، وحطيت نية تجاوز هذا الشيء ، جا يوم لعبت اول مرة في حياتي كانت احد الألعاب اللي تطيّر الشخص فوق وتلف وتدور ومدري ايش يصير 😅

قررت اني اركبها، فالبداية جاني احساس خوف في معدتي بس كمّلت وركبتها وكنت مستمتع وسئلت الله
ايش التوسع اللي راح استقبله بعد هذه التجربة ؟
طبعاً فهمت وعرفت ان الألم اللي يجي في المعدة مو دايماً خوف ، قد يكون حماس فالأصل .. ربطنا وفهمونا ان اي زغزغه في المعدة معناها خوف!

بل بالعكس اكتشفت ان اللي اشعر فيه حماس ✨!
ومن يوم خلصت هذه التجربة وانا في توسّع وتوسّع ، الآن ودي اي احد يرميني من اعلى نقطة في السماء ما عندي مشكلة بكون سعيد وودي الآن اجرّب هذا الشعور، يوم تحررت من هذا الخوف شفت الخير والتوسّع في حياتي مع انه شيء البعض يشوفوه عادي ..

لكن آمنت ان مخاوفنا هي سجوننا
وكل خوف نتجاوزه احنا هنا نفتح بوابات وتدفقات وسريان من الخيرات والتوسع ✨🕊
أي احد مر بتجربة تجاوز فيها خوفه بيفهم كلامي .
أنوي لكم تغيير شامل وكامل في حياتكم، بأسهل مما تتخيله 💙🙏🏼