الآيس التلج الكريستال ميث مصيبة منتشرة نسأل الله ان يعافي منها المجتمع
اخواني @dr92semos @mazin_elmubarak قدمو اسبيس ممتاز جدا جدا بمشاركة عالمية مسجل خشو على حساباتهم بتلقوه
في الثريد دا داير اركز على بعض النقاط اللي بتخصنا نحن كمجتمع سوداني
#ريتوييت_لطفا
اخواني @dr92semos @mazin_elmubarak قدمو اسبيس ممتاز جدا جدا بمشاركة عالمية مسجل خشو على حساباتهم بتلقوه
في الثريد دا داير اركز على بعض النقاط اللي بتخصنا نحن كمجتمع سوداني
#ريتوييت_لطفا
حرفيا بتصنع من المنظفات و اسيتون ويودين خلطة من مواد كيميائية رخيصة تكلفة انتاح الجرعة هنا في السودان بسيطة المصنع بديها للمروج بي 5 الف وبتتباع بي 20 وفي ناس بتحنك بتشتري بي 15 الف للجرعة الواحدة وتزبد وتنقص حسب المكان والمشتري
مضر يخلي الزول يدمن من أول جرعة لي منتشر كتير كدا لانو التأثير حقو مختلف اتعودنا على انتشار البنقو والترامادول اللي هي التأثير بتاعها مهبط يعني بنزل اي شي الزول بكون في حالة استرخاء كل شئ عنده نازل ضربات قلبه نشاط مخه اي شي مرخم
الآيس عكسه تماما بخليك طاير في السماء احساس كاذب بالذكاء والقوة والسيطرة بتكون شايف نفسك ملك العالم وممكن تعمل اي شي تعاين كدا تقول خلصت المرجع في دقيقة وانت بتكون ما قريت سطر منه انا بتكلم 10 لغات وانت بتقول طلاسم فالاحساس دا جديد حتى بين المتعاطين عندنا
غير احساس النشوة ملاحظة من الاعراض التانية المنتشرة ال dysmetria ادراك المسافات وال coordination بنخرب عندهم فنسبة مقدرة بتجي ضحية حوادث مرورية
تلقى عربات الشباب مصدمة في كل حتة وهكذا
تلقى عربات الشباب مصدمة في كل حتة وهكذا
الآيس حرفيا بستهلك الجسم تماما لغاية ما يجيب اجلك نحن كسودانيين قوة تحملنا ضعيفة جدا 75% من المرضى النفسيين بسبب البنغو اللي هو ما بخليك تدمن وأضعف من الحشيش فالاعراض بتظهر عندنا اسرع والتعافي بياخد زمن طويل جدا بالمقارنة مع بقية الشعوب
اي زول عرف عنو انو بتعاطى بنغو قلب للآيس ومعظمهم وضعهم المادي كويس جدا ومنتشر اكتر شي في الجامعات الخاصة بغض النظر عن السبب اللي بخلي الزول يتعاطاه الشلليات بتلعب دور كبير والترويج بكون بي اكاذيب ما بعمل شي انت ما راجل بتقدر عليه بخليك تقرأ سريع بخليك تنبسط
بعد اسبوعين لي شهر من التعاطي بشرفونا في الحوادث ضربات القلب في السماء كانو قلبه داير يطلع من صدره ضغط سخانة ناس جسمهم ما بتحمل بتنتهي بالوفاة ناس بعد السيطرة على الاعراض يمشو يفتشو مركز تاهيل و ما حيلقو ناس اللي اهلهم برا برجعو تاني للآيس والدوامة مستمرة
لو صاحبك ود دفعتك زول بتعرفو دي ما حاجة بتتدسى وتقول مالي وماله الزول دا ممكن يدمر اهله بيته حتى مجتمعك اللي في الجامعة لو في مروج معروف بلغ عنه حذر الناس من التعامل معاه افقد أصحابك وعيهم وبلغ اهله
والاهل لازم يكونو متابعين اولادهم
والاهل لازم يكونو متابعين اولادهم
دي ما صورة مظلمة لكن دا الحاصل لانو الزول لو دخل المصحة واتعالج مافي ضامن انو ما حيرجع لانو حتى لو اتسيطر على اعراض الآيس الاسباب اللي خلته من البداية يجربه لو ما إتعالجت أكيد حيحصل relapse فالحكاية عندها ابعاد كتيرة والضرر الحصل صعب يتصلح وطول ما التصنيع مسمتر المشكلة حتستمر
جاري تحميل الاقتراحات...