اللي بيحصل حوالينا ده يخوف؟
اه اكيد يخوف وخاصة يخوف كل انسان بيحاول و بيجتهد انه يساعد ولاده مايقعوش ولا ينهاروا قدام الكم المهول ده من الضغط ع قيم الاسرة والدين والمجتمع
والحل؟
خاف ولكن اجعله خوف محمود ويساعدك تتحرك و تتكلم وتناقش كل اللي بيدور في دماغهم واستعن بالله

السكوت و منع الحوار في المواضيع الشائكة مش حل
مهما كنت محاوطهم ببيئة صالحة مفيش اي ضمان انهم ميتعرضوش لأي اذى … اللي يهمنى هنا انهم يجولي لما يتعرضوا للاذى و يحكولي و يطمنوا ويتأكدوا انى في ضهرهم وهاخودهم في حضنى قبل ما اعمل اي تصرف

واذا كنت مش مقتنع ان الحوار و النقاش حل ..فكر في حلول بديلة مؤثرة
وخليك جاهز تكون موجود في اي لحظة يحسوا فيها بعدم الامان
اللي اصعب من تعرضهم للاذى هو عدم وجودك في حال شعورهم بعدم الامان
واللقطة دي محتاجة شغل و صبر منك و استمرار ودأب عالتواصل الصحى و الانصات والتواجد بصدق

مواليد الالفية الجديدة قربوا يبقوا آباء وللاسف اغلبهم عاشوا في وسط اسر مفككة وانفصال والدين و اتعرضوا لهجوم وسطو خارجى من خلال افكار و اراء وسلوكيات مكنتش موجودة بالبجاحة دي..
افكارهم عن العلاقة الزوجية وعن طبيعة الذكر والانثى اصابها كثير من الخلل وبالتالي تمردهم زايد