ردا علي كلام أستاذ الباطنة حسام موافي إللي المفروض يكون أولي الناس بإزالة الوصمة عن المرض النفسي
المرض النفسي هو:
خلل كيميائي في المخ
وتغير في بعض المواد الكيميائية بالمخ زى السيروتونين والنورأدرينالن والدوبامين وده بيعلاجه العلاج الدوائي ( وده من أهم الادلة أنه مرض وليس بعدا

عن الله عز وجل فالبعد عن الله ما بيتعالجش بمضادات الاكتئاب إنما الاكتئاب بيتعالج )
وده كله بيرجع لاستعدادات جينية وبيئية وحاجات في طريقه تفكير الشخص ونظرته للحياة ومعتقداته العميقة وده إللي بيعالجه العلاج النفسي بأنواعه
يعني بيحصل نتيجة لخبطة في مواد كيميائية في المخ، زي مثلا

ما مرض السكر بيحصل نتيجة خلل في مادة الإنسولين في الجسم
يعني مرض زي أي مرض عضوي
زي الضغط والسكر والانفلونزا يعني مش تمثيل ولا ضعف شخصية ولا ضعف إيمان
تخيل معايا أستاذ حسام موافي حضرتك حد عنده تقرحات قولون و بينزف و تعبان و ييجي لك العيادة تروح تقول له أنت مش عيان ده كله نقص دين

لو مريض اكتئاب بوصف الطب النفسي اتعالج دوائيا وسلوكيا زيه زى مريض السكر وكمان قرب لربنا هيخف وتدينه بيساعده علي التعافي مثل التأمل في مخلوقات الله والأذكار والجانب الروحاني
مهم كمان نقول إن القرب من ربنا بيساعد الانسان يتخطى عقبات كتير في حياته وهو حائط قوي الواحد بيتسند عليه

هنفضل ما نحسش بالمريض النفسي ولحد إمتي هنفضل ننكر وجود المرض النفسي؟
لحد إمتي هنعتبره ضعف إيمان؟ محتاجين إيه بس علشان نصدق؟
المريض محتاج لك ومحتاج مساعدتك له مش تقتله بكلماتك القاسية زي أن المرض النفسي عبارة عن دلع وقلة إيمان
قال تعالى ومن أحياها فكأنما أحيا الناس جميعا