تركت شغلي بالهندسة بعد دراسة ٥ سنوات 👇🏼
٢٠١٩ موافق لتاريخ اليوم ٢٥ فبراير كان تخرجي من الجامعة بتخصص هندسة صناعية.
لما شفت الصور هذي بالذكريات على جوالي، رجعت لي الكثير من الأشياء اللي كانت تدور براسي بعد التخرج وحبيت اشاركها معكم.
لما شفت الصور هذي بالذكريات على جوالي، رجعت لي الكثير من الأشياء اللي كانت تدور براسي بعد التخرج وحبيت اشاركها معكم.
لو تسألني وقتها، انه هل كان ممكن اكون قاعد اسوي الاشياء اللي اسويها اليوم، حيكون جوابي لك مستحيل.
حبي للرياضة ومساعدة الناس كان هو شغفي الاساسي طيلة فترة دراستي الجامعية او بالاحرى من بعد اول سنة لي بالجيم سنة ٢٠١٣، ولكن مع ضغوطات المجتمع وطريقة تفكيري وقتها انه أنا لازم أكون أفضل مهندس، والرياضة هذي تبقى حاجة جانبية بحياتي و مستحيل تكون مجال خبرتي الاساسي او اعتمد عليها.
طبعا طريقة التفكير والقناعة هذي انزرعت عندي من أهلي من صغري و المجتمع اللي حولي انه لاتخلي الرياضة و الجيم تاخذ وقتك وتشتتك انت لازم اساسك يكون الهندسة.
طبعا، اشتغلت بمجال الهندسة وتطوير المصانع في ماليزيا او مايسمى IR4.0 ( الثورة الصناعية الرابعة ) لمدة سنة. كان دوامي فل تايم يعني أوصل المكتب ٩ الصباح و امشي ٦ المغرب.
وبنفس الوقت مع دوامي كنت أشتغل مدرب شخصي بالجيم الصباح قبل دوامي من ٦ الصبح الى ٨ الصبح وبعدها اغير ملابسي واروح جري عالدوام، وبالليل بعد ماينتهي دوامي اروح اتمرن وارجع البيت واشتغل على صناعة المحتوى و قناتي عاليوتيوب ( كنت توني بادي عالسوشال ميديا ).
وفعليا ساعات دوامي في المكتب الهندسي كانت قاتلة بالنسبة لي وما اصدق متى يخلص دوامي عشان اروح اشتغل على الفديوهات تبعي و ارتب برامج المتدربين معي، اني انزل فديو ويجيني شخص يقولي شكرا انت ساعدتني بمعلومة معينة كان يعطيني سعادة اكبر بكثير من سعادتي بأكبر مشروع بالهندسة.
بعد مرور الوقت ونقدم الزمن الى اللحظة الحالية، بعد ماتركت وظيفتي الهندسية ورجعت السعودية ببداية الكورونا، وبديت احط وقتي وتركيزي كامل على شغفي بالرياضة ومساعدة الناس يكونوا افضل نسخه لانفسهم و صناعة المحتوى والتدريب، حسيت اني هكرت اللعبة!
يعني ممكن اجلس ٨-٩ ساعات اشتغل وما احس بالوقت لاني فعلا حاس بقيمة الشيء اللي بقدمه وشغفي فيه وتأثيره عليي شخصيا وعلى المجتمع!
الخلاصة:
ما حتكون راضي عن نفسك خصوصا مع مرور الوقت والسنين غير لما تسوي الحاجة اللي فعلا انت شغوف فيها واللي تحس انك قاعد تضيف فيها قيمة لذاتك وروحك، ولمحيطك.
ما حتكون راضي عن نفسك خصوصا مع مرور الوقت والسنين غير لما تسوي الحاجة اللي فعلا انت شغوف فيها واللي تحس انك قاعد تضيف فيها قيمة لذاتك وروحك، ولمحيطك.
عارف انه العقلية هذي مو منتشرة عندنا بالوطن العربي وضغوطات الاهل احيانا تكون قاسية علينا انه نكون حاجة احنا مانحبها، بس صدقني لما تسوي الشيء اللي تحبه وتبدع وتتطور فيه مهما كان، كل اللي كانوا ضدك فبدايتك حيصيروا معك ويدعموك.
واليوم الحمدلله وصلنا لاكثر من مليون متابع عبر مواقع التواصل الاجتماعي عندي بين التيك توك، اليوتيوب، السناب شات، والانستقرام. بديت ببودكاست رياضي الاول من نوعه والحمدلله فيه قبول ونمو كبير فيه @OnTheBench_SA
ودربت اكثر من ٧٠٠ شخص لتطوير صحتهم واجسامهم، وعندي مشاريع كبيرة شغال عليها في المجال الرياضي.
الحمدلله كله توفيق من الله ودائما نقول، الجاي اقوى اكيد وهذا كله لسسا ولا شيء❤️
الحمدلله كله توفيق من الله ودائما نقول، الجاي اقوى اكيد وهذا كله لسسا ولا شيء❤️
جاري تحميل الاقتراحات...