هاكتب قي الثريد دا تجربتي مع البريد المصري عشان الناس تاخد بالها ودا أول تعامل معاه والحقيقة كان مخيب للآمال 🤦♀️
وعرفت معنى كلام الهضبة لما قال :
السر اللي يخليك الاول وتفضل مستمر
في حد يجدد ويغير وفي حد محلك سر !🙄
وعرفت معنى كلام الهضبة لما قال :
السر اللي يخليك الاول وتفضل مستمر
في حد يجدد ويغير وفي حد محلك سر !🙄
قررت أطلّع كارت yalla وأستخدمه للمعاملات الأونلاين خصوصا إنه بيتربط بالحسابات البنكية فممكن يتحول إليه رصيد مباشرة عكس كروت تانية في البنك الأهلي مثلا زي prepaid أو ميزة ..
أول حاجة موظفة الفرع سلمتني كارت yalla بإيدها وكان خارج الظرف ومش ملزوق على الورقة المرفقة وإللي عليها الارقام !
ثانيا دخّلت بنفسها بيانات الكارت وهم ال ١٦ رقم الخاصين بالكارت وإللي مكتوب تحتهم أرقام ال cvv السرية !
ثالثا لما سألتها مافيش ظرف ؟ قالتلي لا هو كدا !
ثانيا دخّلت بنفسها بيانات الكارت وهم ال ١٦ رقم الخاصين بالكارت وإللي مكتوب تحتهم أرقام ال cvv السرية !
ثالثا لما سألتها مافيش ظرف ؟ قالتلي لا هو كدا !
في اليوم دا كنت مطبقة وعاملة مشاوير الصبح في جهات حكومية مع الصيف والحر والتعب ما أدركتش حجم المصيبة الصراحة في وقتها .. وفعّلت الكارت في البيت واستخدمته فعلا في معاملة واحدة لدفع فواتير اونلاين ..
لما اخدت بالي من إللي حصل انتبهت إن دلوقتي أرقام الكارت وال cvv وتاريخ انتهاء الصلاحية إللي على الكارت معروفين للموظفة بالإضافة لصورة بطاقتي وبياناتي الشخصية فأنا كدا في الشلاحات 🤷♀️
مش باشكك في ذمة الموظفة طبعا بس دا تصرف غير مهني وغير احترافي وغير آمن ووضعها في محل شبهة ! تخيلوا كام كارت ممكن يتعمل بالطريقة دي وممكن يتسحب منه فلوس اونلاين قد إيه ومش معروف مين اللي سحبهم ووقت الجد اي موظف هيقول ماعرفش حاجة ودا غير آمن بالمرة !
المشكلة كمان إن مش كل المواقع الأونلاين بتبعت رقم otp للموبايل عند سحب فلوس ومنهم PayPal مثلا ! فمش هتقدر تعمل حاجة وهتكون المصيبة حصلت خلاص !
طبعا كلمت خدمة العملاء وعملت شكوى وقلبت الدنيا والمدير كلمني واستقبلني في نفس الفرع والحقيقة كان متعاون جدا ومهتم وحلينا المشكلة ..
طبعا كلمت خدمة العملاء وعملت شكوى وقلبت الدنيا والمدير كلمني واستقبلني في نفس الفرع والحقيقة كان متعاون جدا ومهتم وحلينا المشكلة ..
بس المصيبة إللي اكتشفتها إن الموظفين بيستلموا الكروت في أظرف عادي وتسهيلا على نفسهم بيفتحوا الأظرف دي بالجملة ويسلموا الكروت يدا بيد كدا للعميل ( شغل على مية بيضا 🧐) .. مش أنا بس دا كمان صديق حصل معاه نفس الحكاية !
المصيبة الأكبر إن من أول المدير لأصغر موظف قابلني مقتنعين إن دا العادي وإن الدنيا أمان 😅 ولما اتصلت بالكول سنتر أوقف الكارت عشان أعمل غيره رد الأنسر ماشين بشوية نصايح زي ماتديش الcvv بتاعك لأي حد فبقول للمدير قالي إحنا مش أي حد 🤷♀️😅
المهم أصريت إني أستلم الكارت الجديد مقفول في الظرف بتاعه وأملا بنفسي الاستمارة وفيها أرقام الكارت وماحدش يطّلع على الكارت غيري وشكل الموضوع كان حدث بالنسبة للموظفين غالبا ماحدش بيعمل كدا ومش فاهمة إزاي رغم إن دا المتبع في البنوك بس الظاهر البريد المصري بيتعامل لسة على إنه بوسطة🙄
الخلاصة أي حد عاوز يعمل كارت yalla ينتبه للنقطة دي ويرفض يستلم الكارت خارج الظرف ويتمسك إن ماحدش يمسك الكارت غيره ولا يشوف إللي عليه خصوصا وإنهم كاتبين ال cvv في نفس ناحية ال ١٦ رقم وتحتها بالظبط .. !
وعشان الوقت دا وقتك إديتله من طاقتك 😅 فخد بالك يا مواطن وماتفرطش في حقك 😂
وعشان الوقت دا وقتك إديتله من طاقتك 😅 فخد بالك يا مواطن وماتفرطش في حقك 😂
جاري تحميل الاقتراحات...