🔵السودان(سلة غذاء العالم/اكتر بلد متدهور في العالم)🔵
في المقال دا ح اتكلم عن نقطتين:
1.ازمة عالميه في القمح
2.وضع السودان في ظل الازمه دي
بسم الله
العالم داخل على ازمه قمح في حلول شهر 8 حسب كلام الخبراء الاقتصاديين و ما خبير واحد ولا اتنين لا دا الغرب كلو اتفق عل كدا
في المقال دا ح اتكلم عن نقطتين:
1.ازمة عالميه في القمح
2.وضع السودان في ظل الازمه دي
بسم الله
العالم داخل على ازمه قمح في حلول شهر 8 حسب كلام الخبراء الاقتصاديين و ما خبير واحد ولا اتنين لا دا الغرب كلو اتفق عل كدا
و انت مركز على المشهد السياسي و الاقتصادي السوداني ما حتكون مدي اهتمام كبير للحاصل برا و دي حاجه عاديه، و سبب الازمه دي حرب روسيا و اوكرانيا الي هم من اكبر المصدرين للقمح في العالم و حاليا روسيا قابضه على جزء من قمح اوكرانيا و قابضه الموانئ الاوكرانيه
يعني كدا اوكرانيا ما بتقدر تصدر
طيب روسيا ما حتصدر؟
روسيا عندها موقفين للحاصل دا
الاول انها ما عايزة تصدر ردا للعقوبات المفروضه عليها
التاني انها ما عايزة تصدر عشان البحار فيها الغام زرعوها الاوكران
و طيب ماف غير روسيا و اوكرانيا في العالم دا؟
طيب روسيا ما حتصدر؟
روسيا عندها موقفين للحاصل دا
الاول انها ما عايزة تصدر ردا للعقوبات المفروضه عليها
التاني انها ما عايزة تصدر عشان البحار فيها الغام زرعوها الاوكران
و طيب ماف غير روسيا و اوكرانيا في العالم دا؟
ايوا في الصين و الصين الأولى في تصدير القمح بس هي نفسها بتصدر لكن ما مكفيه نفسها يعني زي بتاع المواصلات البسوق الناس مجاني لكن ماعندو حق البنزين
طيب تاني في دولة؟
في الهند و الهند مصدر كويس يعني للقمح بس للأسف موقفين التصدير ليهم شهر و قالوا لو تدونا وزن القمح دا ذهب ما نديكم قمح
طيب تاني في دولة؟
في الهند و الهند مصدر كويس يعني للقمح بس للأسف موقفين التصدير ليهم شهر و قالوا لو تدونا وزن القمح دا ذهب ما نديكم قمح
و متضايقين شديد يعني و دا السبب المخلي العالم فاير الايام دي
نجي للنقطه التانيه الي هي السودان و وضعه في ظل الازمه دي...
زي ما شايفين الحكومة مركزة مع المناصب و القمع و الترابيز اكتر من انها تركز على القمح و الازمه الداخلين عليها دي حتقول لي طيب هم ما شايفين الحاصل؟ حقول ليك شايفين و قالوا لينا موتوا لكن نحن ما فهمنا بس، طيب متين قالوا لينا موتوا؟
قالوا لينا كدا لما لقونا ما مركزين على الحاصل برا و همنا انو نسقطهم
و يعني نقطه بتاعة ارتباك كدا انت ما عارف اذا اتجاوزت الازمه السياسيه دي و ركزت مع ازمه القمح و قعدت تزرع البلد كلها يمكن تفرق معاك في نقطه انو الحكومه سيئه و يمكن ما تساعدك و يمكن تقلع منك حقك
و يعني نقطه بتاعة ارتباك كدا انت ما عارف اذا اتجاوزت الازمه السياسيه دي و ركزت مع ازمه القمح و قعدت تزرع البلد كلها يمكن تفرق معاك في نقطه انو الحكومه سيئه و يمكن ما تساعدك و يمكن تقلع منك حقك
او تخليك تبيع ب سعر يخليك تفقد الربح حقك وماف مزارع حيشتغل في وضع زي دا و ح يخت الوطنيه بالجنبه و يفكر في نفسو و كيف يقدر يطلع الربح بتاعو و يطلع راس المال، و دي حاجه يعني بتعمل نقطه ارتباك تانيه
ولو قلت تركز مع السياسه و الاوضاع المارة بيها البلد و الثورة و لعبه الكراسي الدايرة بينهم و واصلنا في نضالنا و البحث عن الحريه في الطريق المجهول الما عارفين نهايتو وين بس عارفين انو بنقدر نسقطهم لكن متين؟ الزمن عامل مهم بالنسبه لينا!
اسوقك بالزمن شوية..الحكومه سقطت عن طريق التصعيد و التركيز التام على المشهد السياسي و غض البصر عن المشاهد الاخرى و كلمة اخرى هنا قاصد بيها النقص الحاد في القمح، طيب مطبقين يدينا و ما عارفين نبدا كيف من جديد و اكيد البلد حتكون واصله مرحله كعبه
ارجعك بالزمن شوية..المرحله الكعبه الاتكلمت عنها هي عبارة عن 15مليون نسمه تحت سقف المجاعه في نهاية 2022 و نحن كلنا ما فايتين ال46مليون نسمه
لو نهاية السنه دي حيكون الوضع كدا ما بالك بنهاية 2023؟
دي المرحله الكعبه القاصدها
لو نهاية السنه دي حيكون الوضع كدا ما بالك بنهاية 2023؟
دي المرحله الكعبه القاصدها
طيب اديك شوية جرعه عن استيراد القمح في السودان، 97% قمح مستورد و مستورد من وين؟؟مستورد من روسيا و اوكرانيا الي هم هسي ما فاضين اصلا من الكوماج الواقعين فيهو دا
و انت عارف انو روسيا مستولية على موانئ اوكرانيا و جزء من قمح اوكرانيا و عارف انو روسيا ما عايزة تصدر
و انت عارف انو روسيا مستولية على موانئ اوكرانيا و جزء من قمح اوكرانيا و عارف انو روسيا ما عايزة تصدر
كدا السودان تحت رحمه المواطن نفسو و التغيير الكامل بيبدا من هنا يا اما السودانيين اتحدو و مشوا الخلا دا حرثو الارض و زرعو قمح و حققو الاكتفاء الذاتي و بدو يصدرو و السودان بقا سله غذاء العالم و الحلم بتاع(وطننا البنحلم بيهو يوماتي) اصبح واقع...
و اتخيل معاي روعة المشهد بس انو العالم واقف عليك بساق واحده وانت الآمر الناهي عشان بتأكلهم اتخيل بس
اتخيل كمية التطور الإلكتروني اتخيل كمية التطور العسكري اتخيل كمية اي حاجه في النهاية انت في يدك الاكل بتديهم مقابل قروش بتشيل القروش تشتري بيها من اسلحتهم
اتخيل كمية التطور الإلكتروني اتخيل كمية التطور العسكري اتخيل كمية اي حاجه في النهاية انت في يدك الاكل بتديهم مقابل قروش بتشيل القروش تشتري بيها من اسلحتهم
و بعدها تدرس الاسلحه و تبدا تصنع انت بذاتك و بعدها تكون انت اليد المسيطرة على العالم ما امريكا بس انت البتفرض عقوبات ما الغرب و انت الفي يدك القرار و انت محور الكون عديل
بس ممكن يتلاشى الحلم دا في دقيقه لو ركزت في الوضع السياسي المارة بيهو البلد و عاينت لمنو القاعد في الكرسي و منو معاو و كمية الحراميه المانعنك من التطور دا حاليا و مستقبلا ولو رجعت بالزمن كم سنه حتلقى الحكومات العسكرية كانت ضد زراعه القمح و ما تعرف ليه
الازمة دي لا مفر منها و الثورة لا رجوع عنها عشان ثورتنا دي هي الحتقودنا نعمر عزه الجميله، و حتظل امنيتي الوحيده انو السودانيين في يوم الحكومه تسقط يكون كل تركيزهم على الزراعه و بس
روسيا النحن عايشين تحت رحمتها دي سنه 2000وقفت زراعه البطاطس و اعلنت زراعه القمح بس و كانت بتستورد قمح من مصر وهسي روسيا العملاقه دي كلها سنه 2000كانت ولا اي شي و وقفت على رجلها اليمين بالقمح بس و خلال 15سنه بقت بالشكل الشايفنوا ليها الليله دا و نحن المانعنا شنو نبقا احسن منها؟؟
ولا شي مانعنا..
و في الختام الله يرحم شهداء الوطن و الله يهدينا للطريق الصح و يكون في عوننا جميعا و يعجل اسقاط النظام دا و يا رب سقوط النظام دا يكون عبره للجاي عشان ما يفكر يرجعنا خطوه للخلف في الزمن الصعب الحتكون مارة بيهو عزه الجميله
واذا في زول قرا الكلام دا شكرا بجد❤️.
و في الختام الله يرحم شهداء الوطن و الله يهدينا للطريق الصح و يكون في عوننا جميعا و يعجل اسقاط النظام دا و يا رب سقوط النظام دا يكون عبره للجاي عشان ما يفكر يرجعنا خطوه للخلف في الزمن الصعب الحتكون مارة بيهو عزه الجميله
واذا في زول قرا الكلام دا شكرا بجد❤️.
جاري تحميل الاقتراحات...