خلص الجامعة وبقى عاطل من شارع لي شارع وبعد اربعة سنة عطالة قررت الاغتراب
عندهم ارض ورثة باعها وسافر وبعد سنة عطالة في الغربة لقى شغل (حارس في فيلا)براتب ضعيف وقال يتمسك بيه لحدي يلقي شغل في مجالو (ود ماحصل نهائي) المهم بعد سنتين شغل جاء اجازة محمل بالهدايا قضى اجازتو ولما عاوز

يرجع الا زميلو رسل ليه مصاريف
.
بعد اربعة سنة جاء اتزوج وقعد شهر مع العروس ورجع وخلى العروس حامل وبعد سنتين جاء اجازة يشوف ولدو وبرضو قعد شهرين ورجع
.
استمر الحال كدة خمسة وعشرين سنة كل سنتين اجازة شهرين واجازة زوجتو تلد واجازة بدون ولادة
قبل شهرين قبضو ولدو الكبير بتهمة القتل

وهسع مسجون ودة كان سبب في اصابته بارتفاع الضغط والسكري
.
بيشكي قال لحدي هسع ماقدر يعمل بيت او مشروع عشان يرجع
اولادو ماعندهم ليه ايه احترام او تقدير فقد والدة ووالدته وهو في الغربة وبعض اصحابه واهله
قال في آخر اجازة بعض الناس اتغيرت معاملتهم ليه عشان مابقى يجيب هدايا
قال منتظر

الموت بس وماعاوز يرجع البلد تاني
.
انتهى
لو فكرت تغترب احسبها صاح وحدد هدفك قبل تسافر ولو شفت انو ماحتقدر تحقق هدفك ارجع وحاول من بلدك على الاقل بتكون وسط اهلك وناسك
ولو ربنا سهل ليك وحققت هدفك ارجع طوالي لانو الغربة الطويلة بتاخد منك اكتر مما تديك
اتمني الناس تستفيد من القصة