رتبها

Mohammed S.

8 تغريدة 12 قراءة Jan 02, 2023

ترا والله لا تستهينون فيها، والله لو ما بتسمع مني الا نصيحة وحدة في حياتك فهي انك تضبط ملفك في لنكد ان، وتستخدم easy apply بشكل روتيني، كل شهر اقدم على ٦٠-١٥٠ وظيفه على لنكد ان. منها يجيني ٣-٥ مقابلات شخصية. وكلها برواتب مجزية جدًا

والله صرت استخدم easy apply حتى وانا طفشان بالاشارة. حتى وصف الوظيفه ما اقراه 😂 اشغلو موظفين ال HR شوي. هذا شغلهم يشوفون اذا انا مناسب ولا لا. موب شغلي.
قدم قد ما تقدر وخلها عادة يوميه. خلال ال ٦ شهور الماضية جاتني ٥ عروض تقريبا وانا قاعد في بيتنا واتشرط على هالشركات

صرت ادخل مقابلات وانا رافع خشمي واتشرط بالراتب والحوافز اللي ابغاها.
حتى لو ما عجبتك الوظيفه، تستفيد انك تطور مهاراتك في المقابلات، تعرف المهارات اللي ناقصتك، وتعرف انت ايش محتاج تتطور فيه.

والله انها نعمه عظيمة. واتكلم لأن قلبي محروق. والله شباب كثير يستغربون لمن اتكلم عن لنكد ان ويحسونه ما ينفع. بس هو كذا لازم تقدم على عدد وظايف كثير جدًا عشان يجيك رد واحد ولا ردين. احيانا اقدم على ٤٠٠ وظيفه وماحد يرد. عادي حسن ملفك في لنكد وان وكمل

والله توني صورت الشاشة عشان اوريكم، قدمت على وظيفه في اقل من ٨ ثواني. (ما اقدر ارفع الفديو عشان فيه معلومات شخصية وما عرفت اغبش عليها 😅)
بس تخيل، ٨ ثواني قدمت على وظيفه وانت في سريريك مرتاح ومدد رجلينك. والله انها نعمه عظيمه يا جماعة لازم تستغلونها.

حاليًا فيه 8000 وظيفة داخل المملكة معروضه على لنكد ان
منها 1600 فيها خاصية Easy apply بمعنى يمديك تقدم عليها في اقل من ٦ ثواني وانت على جوالك.
ضبط ملفك على لنكد ان
وقدم على اللي تقدر منهم

بالمناسبة هذا كم مصدر اضافي
ذا موقعي المفضل عشان اصمم سيرة ذاتيه. ببلاش طبعا
flowcv.com
وهذا فيديو يشرح كيف تسوي ملف لنكد ان ممتاز
youtu.be
وهذا يشرح easy apply
youtu.be
اشغلو موظفين الموارد البشرية عشان يرتاح من شرهم الموظفين