زي ما فيه ناجين من العنف وناجين من اي سلوك فيه ناجين من الحزن، الحزن ده بيقلب كيميا مخك ويحول مسار حياتك بالكامل وفي النهاية مش بيكون فيه حياه فبتنهي نفسك بنفسك، هاحكيلكم قصة ممكن متصدقوش إنها حصلت لكنها حصلت وصاحبها عايش وسطكم وشايل القصة وشايل حزنها جواه لكته بفضل شخص ما نجا

كان فيه طفل في خامسة ابتدائي وفي يوم ابوه تعب ودخل المستشفى وحالته بدأت تسوء بسرعة وهيتعمله عمليه وطلب من اخواته إن مراته محدش يقولها الحقيقة هما شوية تعب بسيط وهيخرج مر ٣ ايام وفي اليوم الرابع طلب يشوفها بالحاح وكلموها تيجي.

خدت ابنها في ايدها ونزلت عشان تزوره وكانت مبسوطة جدا لأن معنى كده أنه بقا كويس، رايحين فين يا ماما هنجيب بابا ونيجي، وهي ماسكه ايد ابنها عدى واحد مجنون بالعربية شالها وماتت، وجوزها بيسال عنها يقولوا هتيجي النهرده هتيجي بكره وهي ماتت وفي اليوم الرابع هو نفسه مات

وفضل الطفل وحده بيخاف من العربيات وبيخاف من المستشفيات وبيخاف من اي حد يقوله هنروح مشوار، وبيخاف من اي حد يعامله كويس إنه يكون بيشفق عليه لكن بفضل ربنا وبفضل شخص ما نجا من الحزن، واقسم أن ده حصل وإنه دلوقت عدى ال٣٠ وبيقوم مفزوع على صوت صويت، وصوت حدثة.