مرة من المرات اللي طحت فيها على الأرض كنت وحدي فالغرفة. عادة لما الإنسان الطبيعي يطيح يقدر يوقف بسرعة لكن بالنسبة لبعض مرضى #التصلب_المتعدد مثلي الوقوف صعب ويأخذ وقت لأنه عضلات الظهر والأرجل تكون ضعيفة. ٧/١
أول شي سويته جلست أبحث عن شي اقدر أسند عليه عشان أرفع نفسي. حاولت كم مرة لمدة عشرين دقيقة لكن ما قدرت. جلست على الأرض أفكر ويش بسوي الحين، محد قريب عشان يسندني أوقف.٧/٢
بعدها دعيت من كل قلبي "يارب مالي غيرك يقدر يساعدني فارزقني القوة من حيث لا أحتسب" وجربت وقدرت أوقف الحمدلله.٧/٣
بعد اصابتي ب #التصلب_المتعدد زادت محادثاتي مع رب العالمين. صرت استشعر قربه أكثر من قبل. بعد تشخيصي استوعبت شكثر انا ضعيفة بدون سنده ف صرت ألجأ له من ضعفي إلى حوله وقوته سبحانه. ٧/٤
يهدينا رب العالمين مختلف المحن عشان يخبرنا انه مالنا غيره في هذه الدنيا، ولما نؤمن ونستعين به راح يوقف جنبنا ويسندنا أربع وعشرين ساعة🤍سبعة ايام في الأسبوع🤍بدون توقف🤍 وايش أحلى من إنك تكون على يقين إنه خالق السماوات والأرض سندك في أضعف لحظاتك؟ ♥️٧/٥
تعرف ايش يعني إنك تكون تحت حماية مالك الملكوت ؟ يعني إنك ما وحدك مهما حسيت إنك وحيد في هذه الدنيا🙏 مهما ضاقت أمور الحياة دام رب العالمين سندك ما ينخاف عليك💚 دامك في رعاية الجبار العظيم محد يقدر يكدر لك خاطر💕 ٧/٦
المحن هي حزام الأمان اللي يحفظ أرواحنا من السقوط من حافة اليأس مهما كان السقوط مغري💚 المحن هي التذكير اللطيف إننا في حفظ رب العالمين ودامنا في حفظه محد يقدر يلمس شعرة من رؤوسنا🙌 وعشان كذا في كل مرة تحس محنتك ثقلت واشتدت إلجأ لرب العالمين وصدقني بيدهشك بعطاءه♥️٧/٧
جاري تحميل الاقتراحات...