ثريد عن الطاقة الشمسية والبطاريات
اول شي انا مش مهندس كهرباء ولا خبير ولا بياع ولكن بسأل كتير (اكتر ما ممكن تتصور) والاسئلة والاجوبة خلال مشواري "الكهربائي" بتخليني اكتب هيك ثريد لعلها تفيد غيري. الاكيد في اشخاص بعارضوني ولكن هيدا اللي تعلمته والاكيد بتعلم بعد وبعدل معلوماتي ١٤/١
اول شي انا مش مهندس كهرباء ولا خبير ولا بياع ولكن بسأل كتير (اكتر ما ممكن تتصور) والاسئلة والاجوبة خلال مشواري "الكهربائي" بتخليني اكتب هيك ثريد لعلها تفيد غيري. الاكيد في اشخاص بعارضوني ولكن هيدا اللي تعلمته والاكيد بتعلم بعد وبعدل معلوماتي ١٤/١
حسابات الطاقة تختلف من بيت لبيت حسب نمط حياة كل شخص. قبل ما تقوم بالخطوة حاول تفهم شو مصروفك للكهرباء. كل قطعة كهربائية عليها قيمة الاستهلاك بالواط او بالامبير (الواط = امبير*٢٣٠) بالساعة. اذا عندك اشتراك كهرباء على العداد فيك تعرف قيمة الاستهلاك الشهري من العداد. ١٤/٢
العملية عبارة عن جمع قيمة الواط بالساعة (تقريبية) وعلى اساسها بتركب الواح طاقة. انتبه ان في حساب الشارجر للانفيرتر (حسب كمية البطاريات) في حال في بطاريات وفي حسابات لخسارة نسبة واط خلال توليد الطاقة. ١٤/٣
خلينا نعطي مثال. فرضاً طلع معك انك بدك طاقة تعطيك للبيت ١٥ امبير يعني ١٥*٢٣٠= ٣٤٥٠ واط. وبدك تركب ٤ بطاريات (اسيد او جل) بقوة ٢٥٠ امبير لكل بطارية. هون لازم تعمل حساب ان الانفيرتر بده ٥ امبير بالساعة ليشرج البطاريات خلال النهار (الكمية بتزيد بفصل الشتاء). ١٤/٤
يعني صار بدنا ٢٠ امبير يعني ٢٠*٢٣٠=٤٦٠٠ واط بالساعة من الشمس.
اذا نويت تركب لوح ٥٤٠ واط يعني بدك ٩ الواح والافضل ١٠ الواح بسبب الخسارات خلال النهار (دايماً خلي ببالك انك رح تاخد ٨٠٪ من الالواح، هيدا مش دقيق ولكن الافضل تعمل حسابه). ١٤/٥
اذا نويت تركب لوح ٥٤٠ واط يعني بدك ٩ الواح والافضل ١٠ الواح بسبب الخسارات خلال النهار (دايماً خلي ببالك انك رح تاخد ٨٠٪ من الالواح، هيدا مش دقيق ولكن الافضل تعمل حسابه). ١٤/٥
بالطبع فيك تشتري الواح ٦٥٠ واط وكمان خليك على ١٠ الواح. بالطبع الحسابات تقريبية لان في خسارات من توليد الطاقة بتتعوض بكمية التشريج وبعدم استعمالك لل ١٥ امبير متواصلة. ١٤/٦
بنحكي بالبطاريات وهيدا الموضوع كتير شائك ومضلل. البطاريات يا جماعة خزان بيتعبى وبيتفضى، حساب بتدين منه لحدود معينة مع فوايد بتطلع عليك اول كل نهار. حسابات البطاريات تختلف حسب نوعها وبالنوع الواحد حسب كفاءتها. خلينا نعطي امثال وانا هون رح احكي عن النوعية الجيدة ١٤/٧
بطارية الاسيد التابيولر ٢٥٠ امبير، حسابها كالتالي: كل بطارية عبارة عن ١٢*٢٥٠=٣٠٠٠ واط (طول بالك) بالطبع البطارية مش ١٢ فولت، هي اكتر بس مناخد التقريبي. من ٣٠٠٠ واط ولتكسب من عمر البطارية ما تستعمل اكتر من ٣٠٪ من طاقتها يعني من ٣٠٠٠ واط استعمل ٩٠٠ واط (شفت ليه طول بالك) ١٤/٨
فاذاً، اذا ركبت ٤ بطاريات ٢٥٠ امبير بكون عندك خزان ١٢٠٠٠ واط فيك تستعمل منه ٣٦٠٠ واط (فيك تزيد لحد ٥٠٪ ولكن بتخسر من عمر البطارية) فاذا بدك ١٥ امبير بالليل يا عزيزي الخزان بدينك اقل من ساعة كهرباء واحدة فقط لا غير!! لان ٣٦٠٠ تقسيم ٢٣٠ فولت = ١٤ امبير تقريباً بالساعة ١٤/٩
اما اذا ركبنا بطارية ليثيوم (٤٨ فولت ٢٠٠ امبير) بكون عنا سعة ٩٦٠٠ واط فيك تستعمل منهم ٧٥٠٠ واط على حساب ٨٠٪ (انا اؤمن باستعمال ٦٠٪ من طاقتها يعني ٥٧٦٠ واط). في حالة ٧٥٠٠ واط يعني ساعتين كهرباء تقريباً بال ١٥ امبير) ١٤/١٠
صحيح ان بطارية الليثيوم اغلى من بطارية الاسيد او الجل ولكن لازم تنتبه ان عمر بطارية الليثيوم ٣ اضعاف الاسيد وبتعطيك كهرباء اكتر فالنتيجة ان الليثيوم ارخص.
صار عندك فكرة صغيرة كيف تبلش ولكن في نقاط مهمة لازم تنتبه لها خلال التركيب وهيدي النقاط التجار ما بيعملوها. ١٤/١١
صار عندك فكرة صغيرة كيف تبلش ولكن في نقاط مهمة لازم تنتبه لها خلال التركيب وهيدي النقاط التجار ما بيعملوها. ١٤/١١
الالواح تركب على زاوية ٢٨-٣٠ درجة بالطبع تختلف بين الصيف والشتا بس ما تفكر بالموضوع، شوية خسارات وبتقطع.
لازم يكون في قاطع كهرباء على اللوحات عشان الصيانة والتنظيف.
اذا قادر تركب الالواح على ركيزة (الحديد) جالسة وتميل الالواح بكون افضل من مايلة (حسابات التنظيف والهواء) ١٤/١٢
لازم يكون في قاطع كهرباء على اللوحات عشان الصيانة والتنظيف.
اذا قادر تركب الالواح على ركيزة (الحديد) جالسة وتميل الالواح بكون افضل من مايلة (حسابات التنظيف والهواء) ١٤/١٢
خلي فراغ بين الالواح لتقدر توصلها وتنظفها (والريح يمر بسهولة)
اعمل حساب للتوسعة بالمستقبل، خلي شاسيه الحديد اكبر عشان اذا بدك تزيد، جيب انفيرتر اكبر من الطاقة اللي بدك ياها، ما بتعرف شو بصير معك مستقبلاً. هيدي دفعات اكتر ولكن نسبياً صغيرة اذا قررت تكبر لاحقاً ١٤/١٣
اعمل حساب للتوسعة بالمستقبل، خلي شاسيه الحديد اكبر عشان اذا بدك تزيد، جيب انفيرتر اكبر من الطاقة اللي بدك ياها، ما بتعرف شو بصير معك مستقبلاً. هيدي دفعات اكتر ولكن نسبياً صغيرة اذا قررت تكبر لاحقاً ١٤/١٣
للاسف بلبنان في كتير تجار شنطة، اكتر من ٨٠٪ من بياعين الطاقة بياعين كلام، نصيحة اشتغل مع شركات محترمة، تعطيك حقك وتاخد حقها. وما في داعي ذكرك بمثل شهير بقول:
You pay peanuts, you get monkeys ⏺
You pay peanuts, you get monkeys ⏺
نسيت خبرك، الطاقة البديلة اسلوب حياة، يعني كيف vegetarians او جماعة organic، نفس الشي بالطاقة البديلة. بدك تعدل اسلوب حياتك مع الطاقة البديلة او بدك تدفع كتير لتخلي حياتك مثل ما هيي
جاري تحميل الاقتراحات...