رتبها

مساء الخير....
و لو انتوا مش متابعين أخبار الكوكب...
فخليني اقولكوا...
ومطولش عليكوا وقولولي طول....
♦️ تركيا....
تركيا دخلت ع الخط وبتستغل الموقف العالمي و ايوا بتستغل إنهيار الإتحاد الاوروبي وضعفه و وزير خارجيتها بيوجه إنذار لليونان لنزع السلاح من جزر بحر إيجه...

طب ايه هي قصة وحدوتة جزر بحر ايجه وإيه علاقتها بمصر وتطلع ايه جزر بحر إيجه اللي هايجه عليها تركيا ..!!
شوف يا سيدي....
زمان الجزر دي كانت تابعة للعثمانيين.... مش العثمانيين بتوع عثمان احمد عثمان والمقاولين العرب. ...
لا دول العثمانيين بتوع الدولة العثمانية

ولما انهزمت الدولة العثمانية ف الحرب العالمية الاولى وقع كمال اتاتورك على اتفاقية لوزان اللي هي يعني تكون حدود تركيا اللي هي عليها دلوقتي واتنازلت عن كل الاراضي اللي كانت محتلاها قبل الحرب ومنها جزر بحر إيجه اللي اخدتها اليونان...

هتطلع واحده من المطبخ جري وتقولي طب تركيا مالها هايجه عليها دلوقتي يا اخويا مهي متنازلة عليها بمزاجها....
هقولك يا ستي...
تركيا لما اتنازلت عن الجزر دي كان وقتها بتتنازل عن سواحل البحر المتوسط ومناطق نفوذها فيه..... ما هي مهزومة بقا ف الحرب ف تاخد بالجزمة وتتنازل عادي

انما بعد اكتشاف غاز شرق المتوسط تركيا اتجننت وجت تنقب اتقالها آسف السواحل دي انتي متنازله عنها حسب معاهدة لوزان وساعتها فرنسا والاتحاد الاوروبي وقف لتركيا على الكلمة
انما دلوقتي الاتحاد الاوروبي ف اضعف حالاته وبيوعاني يا كابتن متحت علشان كدا تركيا بتطالب بالجزر دي.....

علشان تنقب على الغاز فشرق المتوسط وتدخل منظمة غاز شرق المتوسط اللي بترأسها مصر...
بس هتنقب فين....!!
لا مش ف حدود مصر هتنقب بقا حوالين جزر بحر إيجه التابعه لليونان اللي انت موقع معاها اتفاقيات دفاع مشترك
طب أردوغان قلبه بقا جامد ليه كدا ...!!!

علشان هددهم بفتح مضيق الدردنيل للقوات البحرية الروسية قال إيه علشان هيعدي شحنات القمح للعالم اللي هيموت من الجوع بالتنسيق مع روسيا ....
طبعا امريكا واوروبا اتجننوا....
ف السؤال هنا هل هترضخ اوروبا لإبتزاز تركيا !!

وع الناحية التانية من الكوكب....
♦️ أمريكا....
بايدن طلع وقال هنمد اوكرانيا بصواريخ طويلة المدى لوقف زحف روسيا ف اوكرانيا....
راحت روسيا ردت وقالت ف اللحظة اللي امريكا هتدي فيها صواريخ لاوكرانيا روسيا هتضرب مراكز صنع القرار ف امريكا...

طبعا التصريح ده خلى بايدن بايدن يشخ على نفسه و طلع وقال لا انا مقصدش اننا هنمدهم بصواريخ توصل لروسيا خالص...
احنا قولنا هنمدهم بصواريخ بس صواريخ كدا وكدا يعني...

وع الناحية التانية من الكوكب....
♦️ الصين....
أمريكا بعتت سيناتور امريكي لتايوان
وقال برضوا للتيوانيين ان امن تايوان من امن امريكا.....
قامت الصين مطلعة ٣٣ طيارة سوخوي واخترقت مجال تايوان..... مش اخترقته وبس دي ولمؤاخذة خرقته

وطلع المتحدث الصيني وقال ...
وديني وما اعبد تايوان صينية واللي هيقرب منها هنشقه نصين....
بس السؤال هنا هي ليه امريكا مصممة تجر شكل الصين علشان تدخل تضرب ف تايوان ...!!
انا بقا هقولك اللي محدش هيقولهولك...

الديون الامريكية ال ٣٣ تريليون دولار هما اسوء حاجة على اقتصاد امريكا وامريكا مش عارفة تتخلص منهم واكبر دولة ف الكوكب مداينة امريكا هي الصين وبعدها روسيا
بس هي خلاص اتخلصت من ديون روسيا بحجة العقوبات
ومبقاش في غير ديون الصين ....

هووب تقوم حرب يقوموا ينزلوا عليها عقوبات زي روسيا زي بالظبط اللي بيقطع وصل الامانة
كدا امريكا اتخلصت من ٣٣ ترليون دولار ديون
طب وديون الخليج ؟؟؟
ياعم ما امريكا طيرت للسعوديه 800 مليار ديون تحت مسمى قانون جاستا اللي متفصل للسعودية

وطيرت لسوريا.... اه ياعم سوريا والله كانت مداينة امريكا وعملتلها قانون قيصر طيرت بيها ديونها
انما الكويت حدوتة تانية خالص طيرت ليهم ٤٥٠ مليار دولار بتوع الصندوق السيادي الكويتي قال ايه اصل فيهم غسيل اموال وتجارة سلاح...

وان الكويت اشترت طيارات f16 ب ٣ مليار من امريكا واتسجلوا ف الدفاتر ١٢ مليار
وامريكا قالت دا كدا مال حرام واحنا هنصادرة
شوفوا امريكا كانت متخيلة انها الرابح الوحيد لو حصل حرب ف العالم
انما يا عيني اتصدمت من اللي روسيا عملته فيها والصين واللي هتعمله وبتعمله فيها...

وع الناحية التانية من الكوكب...
♦️ الإمارات...
الإمارات وإسرائيل وقعوا على اتفاقيات تجارة حرة بينهم ب ٣٣ مليار دولار وحاجة آخر عظمة والله
هتقولي انت مبسوط .....!!!
هقولك جداا جداا ...... شوف اسرائيل هتكون فين بعد ١٠ سنين
ممممم مش هيبقا في اسرائيل اصلا

وع الناحية التانية من الكوكب.....
♦️ روسيا....
لافاروف وزير خارجية روسيا واخد لفة ف الخليج و اعتقد ان القمة الخليجية لمجلس التعاون الخليجي القادمة هتكون ف موسكو
دا بوتين اللي عرض عليهم العرض ده

👈 كمان ف كوكب روسيا
روسيا قطعت الغاز عن هولندا علشان مدفعتش بالروبل وهتقطعه عن الدنمارك
وقالتلهم اللي بياكل على ضرسه بينفع نفسه
وقالتلهم بالفم المليان.....
يا الدفع .... يا القطع

وع الناحية التانية من الكوكب....
♦️ كوكب تحيا مصر...
الزراعة بتعلن توريد ٤ مليون طن قمح ف بداية موسم الحصاد ولسة ربنا يكرم بالباقي..

👈 كمان ف كوكب تحيا مصر...
رئيس بولندا ف مصر....
مممم تفتكروا ليه !!
وايه علاقة مصر بروسيا وحرب اوكرانيا وبولندا!!
و رئيس بولندا جاي يطلب القرب من مصر ليه !!

👈 كمان ف كوكب تحيا مصر...
مصر صدرت ب ٤ مليار دولار غاز
هتقولي طب راحت فين الفلوس دي هقولك راحت ف فرق البنزين والمنتجات البتروليه والبترول اللي زاد الضعف فكل العالم...
ومصر مزودتش على المواطن غير ربع جنيه بس
تفتكر فرق السعر ده مين اللي بيدفعه ؟؟

👈كمان ف كوكب تحيا مصر....
ستيفن كوك ف الفورين بوليسي كاتب مقاله بيقول فيها...
في تحول رهيب ف الشرق الاوسط محدش واخد باله منه...
مرتين الرئيس الامريكي يتصل ب بن زايد ويرفض الرد عليه ويتصل ب بن سلمان ويرفض يرد عليه
مش كدا وبس...

دا ستيفن كوك بيقول كمان ان مش دول الخليج بس اللي بتفك ارتباطها ب امريكا
دي مصر كمان اتخذت اجراءات اقتصادية صارمة وبتفك ارتباطها بالدولار
مش كدا وبس...

دي الحكومة المصرية بتدرس قرار تداول الحاويات ف المواني المصرية بالجنيه المصري مش بالدولار ودا قرار لو اتنفذ صح الدولار فمصر هياخد اول تاكسي وينزل والجنيه هيركب اول طيارة ويطلع...

كفاية كدا ...... وتقعدوا بالعافية
بيعيرونا بفقرنا...... بس انا مش هسكت
عبدالفتاح السيسي
والسلام عليكم ورحمة الله وبركاته
تحيا مصر🇪🇬
تحيا مصر🇪🇬
تحيا مصر🇪🇬
كونت دي مونت كريستو

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد